Argenton (Vasadés)

La prononciacion es [arʒeŋ'tuŋ]. Las fòrmas ancianas son : Argento (feudum de ~), en latin, en 1263, Argenten, en latin, en 1263, Argentem, en latin, en 1289 e en 1305 ^[2]. Segon Dauzat, lo nom ven de argant, « argent » e (a perpaus d' Argenton-sur-Creuse) de magos, au sens de « mercat » ^[3]. Negre, citat per Bénédicte Boyrie-Fénié, e B. Boyrie-Fénié era-medisha accèptan l'explicacion; per Dòna Boyrie-Fénié, lo tèma seré lo « cognomen » gallés Arganto e lo segond element pòt estar lo gallés magos o lo sufixe latin -one; au revèrs, Jacques Astor, citat tanben per Bénédicte Boyrie-Fénié, pensava a un nom de persona Argantius, que conven pas (auré donat *Argençon, o meilèu *Argançon). Bénédicte Boyrie-Fénié trebola un pauc son discors en evocant una influéncia deu riu Argenton suu toponime : cau causir enter son explicacion, que supausa implicitament que lo riu deu son nom au vilatge, e un manlèu au nom deu riu ^[2]. Mès tot es pas dit sus la question, que la basa sia un nom de persona o lo mot qu'a lo sens d'« argent ». Arganton (en gallés « argent », cf. latin argentum) o un nom d'òme Arganto, dab sufixe, mian regularament a *Arganton e pas a Argenton; se lo nom es gallés a l'origina, cau supausar ua substitucion o una atraccion per son correspondent latin, probablament quan lo gallés èra enqüèra comprés; o alavetz lo nom èra entèirament latin, basat sus argentum o sus un nom de persona qu'en deriva. Dens las fòrmas ancianas, lo -o de Argento, en 1263, es pas un sufixe; mès que pensar, a perpaus deu sufixe, de las fòrmas estranhas Argenten, Argentem ? La finala -m de la segonda seré un argument per -magos, mès lo vocalisme de la tresena sillaba embarrassa.

Figuès (Higuèirs ?), anciana parròpia (mès son annèxa Bachac es dens Rufiac). Lo nom poiré representar l'aubre (lo higuèir) au plurau, donc dab ua valor collectiva, mès carré aver fòrmas ancianas.

• Avant la refòrma cantonala de 2014, aplicada en 2015, la comuna èra deu canton de Boglon; es adara deu canton des Forêts de Gascogne (en francés), donc de las Seuvas/Ahorèsts /deus Bòscs de Gasconha.

modificar « persona »  v · d · m  Evolucion demografica Populacion comunala actuala (2013): 328, totala: 333
1793	1800	1806	1821	1831	1836	1841	1846	1851
	609	550	554	632	612	666	677	625
1856	1861	1866	1872	1876	1881	1886	1891	1896
628	585	589	597	574	552	519	507	476
1901	1906	1911	1921	1926	1931	1936	1946	1954
504	467	471	387	390	428	432	425	352
1962	1968	1975	1982	1990	1999	2006	2007	2008
350	307	298	258	269	268	264	284	304 312
2009	2010
324 331	335 342
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• En 1793, la municipalitat èra Bouglon, Argenton, Cavagnan et Guerin, donc Boglon, Argenton, Cavanhan e Garin.
• En 2018 la populacion èra de 320 abitants e la densitat èra de 26,36 ab/km²

• Comunas d'Òut e Garona

• Portau de Gasconha