We've Only Just Begun

Songen vart opphavleg spelt inn av Smokey Roberds, ein ven av Nichols, under namnet «Freddie Allen».^[1] Han debuterte i ein fjernsynsreklame med eit bryllaupstema for Crocker National Bank i California vinteren 1970 med Williams på vokal. Hal Riney, som grunnla det San Francisco-baserte reklamebyrået Hal Riney & Partners, besteilte songen for å hjelpe Crocker til å appellere til ungdom. Songen vert spelt medan eit ungt par giftar seg og starta på livet saman. Det er ingen direkte referansar til banken i songen. Reklamen vart særs populær og hjelpte Crocker National.

Richard Carpenter såg potensialet i songen og gjetta på at det var Paul Williams. Begge hadde platekontrakt med A&M records. Carpenter møtte Williams i kontora til plateselskapet og spurte om det fanst ein heil versjon av songen. Det kunne Williams stadfeste. Carpenter valde ut songen som den tredje singelen til Carpenters og tok han med på albumet Close to You.

Singelen vart gjeven ut sommaren 1970 med Karen på solovokal og harmonivokal av begge to. Singelen følgde hitten «(They Long to Be) Close to You» og «We've Only Just Begun» nådde toppen av Cash Box-lista og andreplassen på Billboard Hot 100-lista. Det vart den andre singelen deira som fekk gullplate for ein million selde eksemplar. Han vart av både Karen og Richard rekna som signaturlåten deira.^[2] I følgje The Billboard Book of Top 40 Hits låg han sju veker på toppen av Adult Contemporary-lista, det lengste nokon av singlane deira kom til å gjere. Songen hjelpte duoen til å vinne to Grammy-prisar i 1971, den eine for beste nykommar og den andre for beste kontemporære plate av ein duo eller gruppe.

For Williams var songen ein personleg siger. Det var det første samarbeidet med Nichols som hadde ført til ein hitsingel og opna mange dører for han. I 1998 vart innspelinga innlemma i Grammy Hall of Fame for historisk viktige innspelingar.^[3]

Songen vart sampla av R&B-songaren Miguel på «How Many Drinks?» frå albumet Kaleidoscope Dream i 2012.

• Karen Carpenter – Solo- og korvokal
• Richard Carpenter – korvokal, klaverinstrument
• Joe Osborn – bassgitar
• Hal Blaine – trommer
• Doug Strawn – klarinett

• Perry Como (1970)
• Dionne Warwick (1970)
• Mark Lindsay (1970)
• Ray Conniff (1970)
• Paul Williams (1971) på albumet Just An Old Fashioned Love Song
• Claudine Longet (1971) på We've Only Just Begun
• Andy Williams (1971) på albumet Love Story
• Claudine Longet (1971)
• Grant Green (1971)
• Curtis Mayfield (1971)
• Johnny Mathis (1971)
• Bill Medley (1971)
• Barbra Streisand (1971), først gjeven ut i 1991
• Nora Aunor (1971), på albumet The Song of My Life
• The Wooden Glass med Billy Wooten (1972), på albumet The Wooden Glass Recorded Live
• Henry Mancini (1972)
• Seija Simola (som «Nyt Alun Uuden Nään») (1972)
• The Temprees (1972)
• El Chicano (1973)
• Lea Laven (as «Niin Paljon») (1974)
• Liberace (1989)
• Richard Clayderman (1986)
• Grant Lee Buffalo (1994)
• Bitty McLean (1995), nådde 23. plassen på den britiske singellista.
• Kate Ceberano (1997), for filmen The Castle
• Lea Salonga (2000)
• Bradley Joseph (2005)
• Peter Grant (2006)
• Joanna Wang (王若琳) covered the song which was published on an EP 4 Tracks (Sony Music Taiwan)
• Agot Isidro (2009), on her album named after the song's lyrics «White Lace and Promises"
• New Cool Collective (2013), with songar Trijntje Oosterhuis

• Heile songteksten på MetroLyrics
• 1970 Crocker Bank-reklame