Wayne Fontana

Fontana vart fødd i Levenshulme i Manchester og tok scenenamnet sitt frå trommeslagaren til Elvis Presley, D.J. Fontana. I 1963 skipa han gruppa si The Mindbenders, og fekk platekontrakt, tilfeldigvis med Fontana Records. Han vart verande på selskapet etter at han og The Mindbenders gjekk kvart til sitt.

Fontana fortsette som soloartist og brukte studiomusikarar under namnet The Opposition, mellom anna med Frank Renshaw (sologitar), Bernie Burns (trommer), Roy «Rossi» Henshall (bass), Rod Gerrard (gitar, tidlegare i Herman's Hermits) og Phil Keane (trommer), blant fleire. Stundom vart bandet òg kalla The Mindbenders, og stundom berre The Wayne Fontana Band. Den mest suksessrike solosingelen hans var «Pamela, Pamela» (skriven av Graham Gouldman), som nådde femteplassen i Australia (Kent Music Report) og 11. plassen på UK Singles Chart tidleg i 1967.

I 2005 redda han seg sjølv frå personleg konkurs, men vart arrestert etter at ein skatteoppkrevjar drog heim til han i Glossop og Fontana helte bensin oppå bilen til oppkrevjaren og tente på, medan han framleis sat inne i bilen.^[1][2] Fontana vart halde i varetekt til 25. mai 2007. Han dukka seinare opp i retten i Derby kledd som fru Justitia, med sverd, brynje, krone, kappe og mørke solbriller, og hevda at «retten er blind».^[3] Han avslo advokatane sine.^[4] Den 10. november 2007 vart han dømd til 11 månader i fengsel for å ha sete bilen i brann, men vart sleppt fri fordi han hadde sete lenge i varetekt.^[5] Etter han kom ut slo han seg ned i Spania.

• Wayne Fontana and the Mindbenders – 1964 (UK Fontana TL5230)
• The Game of Love – 1965 (US Fontana MGF 27542 (Mono)/SRF 67542 (Stereo))
• Eric, Rick, Wayne and Bob – It's Wayne Fontana and the Mindbenders – 1965 (UK Fontana TL5257)
• Wayne One – 1966 (UK Fontana TL5351 (Mono)/STL5351 (Stereo))
• Wayne Fontana – 1967 (US MGM E 4459 (Mono)/SE 4459 (Stereo))
• The Best of Wayne Fontana & The Mindbenders – 1994 (US Fontana 314 522 666-2 )