Tynnhornsau

Tynnhornsau (Ovis dalli), også kalla «alaskasau» og «dall-sau», er ein type villsau som kjem frå Nord-Amerika.

Tynnhornsau
Tynnhornsauhann
Utbreiing og status
Status i verda: Livskraftig Utbreiinga av Tynnhornsau
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Orden:	Klauvdyr Artiodactyla
Familie:	Kvegdyr Bovidae
Slekt:	Ovis
Art:	Tynnhornsau O. dalli
Vitskapleg namn
Ovis dalli Nelson, 1884

Tynnhornsauen er utbreidd frå Alaska til det nordlege British Columbia. Han lever i mindre flokkar i høgfjell og arktiske område, særleg i bratt fjellterreng.

Sauen har typisk ei kroppslengd på 135–155 cm og skulderhøgd på 93–102 cm. Bukkar veg 90–120 kg medan søyer veg noko mindre.

Avhengig av underart er pelsen kvit eller svart til grå. Underarten som er svart eller grå har også tydeleg halespegel. Horna er store og snodde, men smalare enn hjå tjukkhornsau. Hornmassen er opptil 8–10 kg.