Tsimlyansk (russisk Цимля́нск) er ein by i Rostov oblast i Russland med om lag 15 000 innbyggjarar. Han ligg ved bredda av Tsimljansk-reservoaret i elva Don, rundt 190 km nordaust for Rostov-na-Donu.
Busetnaden vart grunnlagt i 1672 av kosakkar som Ust-Tsimla (russisk: Усть-Цимла). Fram til 1950 var han stanitsaen Tsimljanskaja (russisk: Цимля́нская). I 1950–1952 vart stanitsaen flytta på grunn av bygginga av Tsimljansk-reservoaret og Tsimljansk vasskraftverk. Han fekk bystatus i 1961.