Torque
Torque (engelsk: torc, tysk:Torques, fransk: torque), er den arkeologiske nemninga på ein type halsringar som keltarane nytta i tida frå femte til fyrste hundreåret før Kr., og som romerske soldatar òg tok i bruk som eit honnørmerke.
![](http://upload.wikimedia.org/wikipedia/commons/thumb/2/23/Torque_%C3%A0_tampons_Somme-Suippe_Mus%C3%A9e_Saint-Remi_120208.jpg/220px-Torque_%C3%A0_tampons_Somme-Suippe_Mus%C3%A9e_Saint-Remi_120208.jpg)
![](http://upload.wikimedia.org/wikipedia/commons/thumb/6/69/Gundestrup_antlered_figure.jpg/220px-Gundestrup_antlered_figure.jpg)
![](http://upload.wikimedia.org/wikipedia/commons/thumb/d/d4/Dying_gaul.jpg/220px-Dying_gaul.jpg)
![](http://upload.wikimedia.org/wikipedia/commons/thumb/6/6f/Keltenf%C3%BCrst_Glauberg_Gesicht_2.jpg/220px-Keltenf%C3%BCrst_Glauberg_Gesicht_2.jpg)
Nemninga torque kjem frå latin torquere, som tydar å vri, og har med forma på halsringane å gjere. Dei er lagde av massive metallstenger, og har vore meint å skulle berast permanent rundt halsen. Vanlegvis er det ei lita opning i ringen på den sida som vender fram, med ein kule, halvkule, terning, eit skulptert dyrehovud, eller i nokre høve ein menneskeskulptur, i kvar ende av ringen. Slike halsringar er funne både i manns- og kvinnegraver.
Det ser ut til at denne typen halsringar har vore nytta av keltarane som herskarteikn for både menneske og guddommar; nokre eksemplar er så store og tunge at dei ikkje kan ha vore meint for menneske.
Liknande ringar har òg vore lagd som armringar.