Tommy Smith (1945)

Thomas Smith (5. april 1945–12. april 2019), kjend som Tommy Smith, var ein engelsk fotballspelar for Liverpool fotballklubb, kjend for harde taklingar.

Tommy Smith

Fødd	5. april 1945
Fødestad	Liverpool
Død	12. april 2019
Dødsstad	Waterloo

Smith var fødd og oppvaksen i Liverpool og spela om lag 500 kampar for Liverpool FC i åra 1963–1978. Han var med på å vinne fem ligameisterskap, og dessutan Europacupen i fotball i 1977. Han avslutta fotballkarrieren med ein sesong i Swansea City AFC i Swansea. Sidan arbeidde han som fotballskribent, skreiv ei spalte for Liverpool Echo kvar veke i 35 år frå 1979 til august 2014.^[1] I mars 2008 gav han ut sjølvbiografien Anfield Iron.

Smith spelte ein landskamp, den 19. mai 1971 tok han plass i Englands midtforsvar i den mållause kampen mot Wales på Wembley stadion i London.

• Vinnar av Europacupen: 1977 og 1978 med Liverpool FC
• Vinnar av UEFA-cupen: 1973 og 1976 med Liverpool FC
• Engelsk ligameister; 1964, 1966, 1973, 1976 og 1977 med Liverpool FC
• Vinnar av FA-cupen:1965 og 1974 med Liverpool FC
• Finalist i Cupvinnarcupen: 1966 med Liverpool FC
• Finalist i FA-cupen: 1971 og 1977 med Liverpool FC
• Finalist i den engelske ligacupen: 1978 med Liverpool FC