The Free Spirits
The Free Spirits var eit USA-amerikansk band som ofte er omtalt som den første jazzrock-gruppa.[1] Bandet nytta òg element av pop[2] og garasjerock i musikken sin.[3]
| The Free Spirits | |||
 The Free Spirits i 1966 | |||
| Opphav | New York City, U.S. | ||
|---|---|---|---|
| Aktiv | 1965–1968 | ||
| Sjanger | Jazzrock | ||
| Plateselskap | Sunbeam, ABC | ||
| Tidlegare medlemmer | * Larry Coryell
| ||
Historie
Bandet vart skipa i New York som ei jazzgruppe. Alle medlemmane utanom Chip Baker hadde bakgrunn i jazz. I følgje trommeslagaren Bob Moses, vende gitaristen Larry Coryell gruppa mot meir rockeprega musikk.[1] Bandet spelte fleire gonger på ein klubb i New York kalla The Scene, men tente lite pengar på dette. Bandet spelte òg med Mitch Ryder og The Rascals.[4]
Innan 1967 hadde Coryell slutta i bandet for å spele med Gary Burton. Moses byrja òg å spele med Burton fordi han «visste det ikkje kom til å bli det same utan Coryell».[5] Pepper, Hills og Baker skipa bandet Everything is Everything i lag med Lee Reinoehl på Hammond C-3-orgel og både John Waller og Jim Zitro på trommer. Vanguard gav ut det sjølvoppkalla debutalbumet deira, som inkluderte Pepper-songen «Witchi Tai To».[6] Moses spelte seinare i lag med Jack DeJohnette, Steve Swallow, Pat Metheny, Jaco Pastorius og Coryell.[7]
Diskografi
- Out of Sight and Sound (ABC, 1967)
- Live at the Scene (Sunbeam, 2011)