Taxman
| Taxman Song av The Beatles frå albumet Revolver | ||
| Utgjeve | 5. august 1966 | |
| Innspelt | 20–22. april, 16. mai and 21. juni 1966, EMI Studios, London | |
| Sjanger | Rock,[1] hardrock,[2] psykedelisk rock[3] | |
| Lengd | 2:39 | |
| Selskap | Parlophone | |
| Komponist | George Harrison | |
| Tekstforfattar | George Harrison | |
| Låtskrivar(ar) | George Harrison | |
|---|---|---|
| Produsent | George Martin | |
If you drive a car, I'll tax the street, George Harrison |
«Taxman» er ein song av The Beatles og opningssporet på albumet Revolver frå 1966. Songen er basert på ei personifisering av skatteselskap som HM Customs and Excise, Inland Revenue og Internal Revenue Service. Songen vart skrive av George Harrison.
Harrison fekk inspirasjon til songen då han oppdaga kor mykje av det han tente som faktisk gjekk til skatt.[4]
Harrison fekk noko hjelp til teksten frå John Lennon, som skreiv enkelte linjer for han. Lennon nemnte mellom anna den dåverande statsministeren i Storbritannia, Harold Wilson, og den framtidige statministeren Edward Heath, i songen.
Harrison syng songen som om han er skatteinnkrevaren, ein person som prøver å få mest mogeleg pengar ut av folk med linjer som «If you try to sit, I'll tax your seat».
Medverkande
I følgje Ian MacDonald,[5] utanom der andre er nemnde:
- George Harrison – solovokal, rytmegitar
- John Lennon – korvokal, rytmegitar[6]
- Paul McCartney – korvokal, bassgitar, sologitar
- Ringo Starr – trommer, kubjølle, tamburin[6]