Spellemannprisen 1991

Spellemannprisen 1991 blei delt ut våren 1992. Dance With A Stranger vann prisen for Årets spellemann og fekk dermed den tredje statuetten sin. Både Leif Ove Andsnes og Truls Mørk vann den første prisen sin dette året. Dei blei seinare to av dei mestvinnande innan Spellemannprisen med respektive åtte og fem prisar. Mørk vann i klassen «kammermusikk» som blei delt ut for første gong. Det blei ikkje delt ut pris for «årets nykomar» dette året. Denne utdelinga er kanskje mest kjend for at Joachim Nielsen mottok prisen sin i tydeleg rusa lag.