Sheik Yerbouti

Sheik Yerbouti presenterer eit stort vendepunkt i karrieren til Zappa. Det var det første albumet som vart gjeve ut på hans eige selskap etter han drog frå Warner Bros. Records, og la meir vekt på den komiske sida av tekstane hans enn tidlegare, og byrja ein periode med auka platesal og meir merksemd i media. Sheik Yerbouti er det mestseljande albumet til Zappa med over to millionar selde eksemplar verda over.

Tittelen er eit ordspel: Zappa er avbilda på omslaget i arabisk hovudpryd, og namnet som, som er meint å likne arabisk transkripsjon, vert uttalt som tittlen på KC and the Sunshine Band sin discohit frå 1976, «Shake Your Booty».

Albumet bestod av satiriske og andre komiske og støytande tekstar. «Bobby Brown» er verdskjend, utanom i USA, der han vart bannlyst frå radio på grunn av den seksuelt ladde teksten. «I Have Been in You» gjer narr av Peter Frampton-hitten frå 1977, «I'm in You» og har òg ein seksuelt ladd struktur. «Dancin' Fool», som vart nominert til ein Grammy, vart ein populær discohit, trass i at han parodierer discomusikken. «Flakes», som handlar om motbydelege arbeidarar i California, inneheld ein parodi av Bob Dylan. «Jewish Princess», er eit komisk blikk på jødiske steroetypar, og fekk merksemd frå Anti-Defamation League, som Zappa nekta å unnskulde seg for, og hevda «I motsetnad til einhjørningar, finst slike skapningar - og dei fortener å bli 'feira' med sin eigen spesielle opus».^[4]

Somme av soloane til Zappa frå albumet starta som improvisasjonar over tidlegare musikk av Zappa. «Rat Tomago» var ei forkorta utgåve av «The Torture Never Stops», som opphavleg kom ut på Zoot Allures; «The Sheik Yerbouti Tango» var ein konsertversjon av «Little House I Used to Live In», opphavleg frå Burnt Weeny Sandwich. Songen «City of Tiny Lites» kom med ein animasjonsvideo laga av Bruce Bickford, og vart vist på Old Grey Whistle Test.

Dei fleste av songane var konsertopptak, som så vart fiksa på i studio i ettertid. På kvar side av «Rat Tomago» ligg to korte stykke med musique concrète, laga av lydeffektar i studio og forskjellige musikalske fragment. Under innspelinga av «Rubber Shirt», kombinerte Zappa eit spor av Terry Bozzio som spelar trommer i ein musikalsk setting med ein av Patrick O'Hearn som spelar bass i ein heilt forskjellig musikalsk setting. Spora har forskjellig takt og tempo. Zappa omtalte denne teknikken som xenokroni. Nesten alle songane på albumet har spor lagt til i studio.

Albumet var òg kjend for å vere gjennombrotet for den kjende produsenten og lydteknikaren Joe Chiccarelli.^[5] I eit intervju med HitQuarters sa Chiccarelli: «[Zappa sin] lydteknikar kunne ikkje vere med på innspelinga så han tok ein sjanse på meg. Eg er så takknemleg for at han gav meg sjansen til å få denne karrieren».^[5]

Meldingar
Karakter
Kjelde	Karakter
Allmusic	[6]
Rolling Stone	(positiv)[7]
Robert Christgau	(C)[8]

Albumet fekk opphavleg middels kritikk, på grunn av dei kontroversielle tekstane. Albumet vart ein kultfavoitt blant fansen til Zappa. Songen «Bobby Brown» var særs populær i Skandinavia. Zappa var visstnok så forbløffa over dette at han bad CBS om å leige ein antropolog for å finne ut kvifor songen vart ein så stor hit.^[9]

Alle songar er skrivne av Frank Zappa utanom der andre er nemnte.

• Frank Zappa – Sologitar, vokal, arrangør, låtskrivar, produsent, miksing
• Adrian Belew – Rytmegitar, vokal, Bob Dylan-etterlikning
• Patrick O'Hearn – Bass, vokal
• Terry Bozzio – Trommer, vokal
• Davey Moire – Vokal, lydteknikar
• Ed Mann – Perkusjon, vokal
• Tommy Mars – klaverinstrument, korvokal
• Andre Lewis – klaverinstrument, korvokal
• Napoleon Murphy Brock – korvokal
• Randy Thornton – korvokal
• Peter F. Wolf – klaverinstrument, smør, Flora Margarine
• David Ocker – klarinett

• Bob Stone – Digital Remastering
• Joe Chiccarelli – Remixing, Overdub Lydteknikar
• Lynn Goldsmith – Fotografi
• Peter Henderson – Lydteknikar
• Bob Ludwig – Mastering
• Kerry McNabb – Lydteknikar
• Gail Zappa – Fotografi
• Amy Bernstein – Design
• Barbara Isaak – Assistent

Album - Billboard (Nord-Amerika)