Sandra Borch
Sandra Konstance Nygård Borch (fødd 23. april 1988) er ein norsk politikar for Senterpartiet. Ho var landbruks‑ og matminister 2021–2023, og forskings- og høgare utdanningsminister 2023–2024 i Regjeringa Støre.[1][2]
Sandra Borch | |||
![]() | |||
Fødd | 23. april 1988 (36 år) Lavangen kommune | ||
---|---|---|---|
Statsborgar av | Noreg | ||
Parti | Senterpartiet | ||
Yrke | politikar | ||
Utdanna ved | Det juridiske fakultetet ved Universitetet i Tromsø | ||
Alle verv |
|
Virke
Borch kjem frå Lavangen og var i tida mellom 2011 og 2013 leiar i Senterungdommen.[3]
Frå 2017 har ho representert Troms fylke og Senterpartiet på Stortinget. På Stortinget var ho medlem i Energi- og miljøkomiteen 2017–2021.[4]
Statsråd
Frå 14. oktober 2021 til 4. august 2023 var ho landbruks‑ og matminister i Regjeringa Støre.[1][2] Den 4. august 2023 tok ho over som forskings- og høgare utdanningsminister.[5] Borch melde avgang den 19. januar 2024, og gjekk av den 23. januar, etter at det vart kjent at ho hadde plagiert 20 % av masteroppgåva si frå andre, tidlegare tekstar.[6][7]