Periferieininga Grevená

Periferieininga Grevená Περιφερειακή ενότητα Γρεβενών
Periferi	Vest-Makedonía
Hovudstad	Grevená
Folketal	26 576 (2021[1])
Areal	2 291 km² Rangering 28.
Folketettleik	12/km²
Kommunar	2
Postnummer	51x xx
Retningsnummer	24620, 24920
Bilnummer	PN
Heimeside	www.grevena.gr

Periferieininga Grevená (gresk Περιφερειακή ενότητα Γρεβενών, Periferiakí enótita Grevenón) er ei periferieining i Hellas i periferien Vest-Makedonía.^[2] Hovudstaden i periferieininga er byen Grevená.

Mykje av periferieininga er fjellkledd, og ho er den periferieininga i Hellas som har færrast innbyggjarar. Ho vart oppretta i 1967 ut av det gamle prefekturet Grevená-Kozáni, der Kozáni var hovudstad. Grevená grensar til periferieiningane Ioánnina i vest, Kastoriá i nordvest, Kozáni i nord og aust, Lárisa i søraust og Tríkala i sør.

Av fjell finn ein Lýgos i vest, Khásia i sørvest og sør og Voúrinos i nordaust. Den lengste elva er Aliákmonas som renn i aust, sentrale område og i nord.

Økonomien baserer seg på jordbruk, økoturisme, skogbruk og skiturisme i Vasilítsa, som er ein populær destinasjon for vinterturistar.