Otto Herschmann
Dr. Otto Herschmann (4. januar 1877–14. juni 1942) var ein austerriksk symjar og fektar. Han er ein av få som har vunne olympisk medalje i meir enn éin idrett.[1]
| Otto Herschmann | |
| Statsborgarskap | Austerrike |
| Fødd | 4. januar 1877 Wien i Austerrike-Ungarn (no Austerrike) |
| Død | 14. juni 1942 |
| Idrett | Fekting, svømming |
| Tok del i | Sommar-OL 1912, Svømming under Sommer-OL 1896 – 100 meter fristil menn |
| Medaljeoversikt | ||
|---|---|---|
| Tevla for Austerrike | ||
| Symjing | ||
| Sølv | Sommar-OL 1896 | 100 meter fri |
| Fekting | ||
| Sølv | Sommar-OL 1912 | Sabel lag |
Olympisk symjekarriere
Herschmann deltok fyrst under sommar-OL 1896 i Aten på 100 meter fri. Han vann sølv med tida 1:22.8, seks sekund bak gullvinnaren Alfréd Hajós.[2]
Olympisk fektekarriere
Herschmann returnerte til sommar-OL i 1912 der han deltok som ein del av det austerrikske fektelaget. Laget vann sølv i sabelfekting.[2]
På den tida var han president i den austerrikske olympiske komité. Han er den einaste presidenten i ein nasjonal olympisk komité som har vunne OL-medalje medan han innehadde stillinga.[3]
Konsentrasjonsleir og død
Herschmann vart arrestert i Wien av nazistane, og deportert 14. januar 1942, til utryddingsleiren Sobibor. Han døydde i konsentrasjonsleiren Izbica i tysk-okkuperte Polen seinare same år.[4]
Hall of Fame
Herschmann, som var jøde, vart teken inn i International Jewish Sports Hall of Fame.
7. november 2001 vart ein vegstrekning, Otto-Herschmann-Gasse, i Simmering i Wien kalla opp etter han.