Kjartan Slettemark

Kjartan Slettemark (6. august 1932–13. desember 2008) var ein norsk-svensk kunstnar. Slettemark var fødd i Naustdal i Sunnfjord og budde i Stockholm i store delar av det vaksne livet sitt, der han døydde.^[1]

Kjartan Slettemark
Statsborgarskap	Noreg, Sverige
Fødd	6. august 1932
Død	13. desember 2008 (76 år) Stockholm
Yrke	kunstmålar, bilethoggar, performancekunstner, conceptual artist
Språk	norsk
Kjartan Slettemark på Commons

Slettemark var utdanna ved Statens handverks- og kunstindustriskole i Oslo, Statens kunstakademi i Oslo, Gerlesborgskolan og Konsthögskolan i Stockholm. Som eit kunstprosjekt oppretta han ein stat utan territorie, kalla Kjartanistan, der han sjølv var «stasminister». Han var svensk og kjartanistansk statsborgar.

Slettemark fekk kunstnarløn frå den svenske staten. I 2001 vart Slettemark tildelt Norsk kulturråds ærespris.

Onkelen hans var læraren og forfattaren Aasbjørn Slettemark.