Kim Ki-young

Kim Ki-young (10. februar 1919–5. februar 1998) var ein sørkoreansk filmskapar. Han verka frå 1955 og fram til han døydde i ein brann i 1998. Vidt rekna som ein av Sør-Koreas fremste filmskaparar, nokon reknar han som Asia sitt svar på Luis Buñuel av di han er særs uforutseibar og inspirert av det surrealistiske. Den mest kjende filmen hans er frå 1960 og heiter Hanyeo (하녀) som mange meiner er ein av dei aller beste koreanske filmane.