Ivar Bjørklund
Ivar Bjørklund (fødd 1949) er ein norsk sosialantropolog som er professor emeritus[1] i kulturvitskap ved UiT Noregs arktiske universitet og forskar på interetniske relasjonar i Nord-Noreg.[2]
| Ivar Bjørklund | |||
| Fødd | 1949 | ||
|---|---|---|---|
| Nasjonalitet | Noreg | ||
| Yrke | forfattar, professor | ||
| Barn | Amund Bjørklund | ||
Virke
Med Fjordfolket i Kvænangen (1985) fornya Bjørklund bygdeboksjangeren, og løfta utviklinga i ei sjøsamisk bygd i førre hundreåret opp til nasjonal historie. Som forskar har han halde fram problemstillinga frå denne viktige publikasjonen: Han har sett på ulike utviklingstrekk i dei samiske samfunna. Ofte har han tatt utgangspunkt i lokale problemstillingar eller hendingar og vist at dei har spelt ei viktig rolle nasjonalt, eller han bruker dei for å kaste lys over meir generelle problemstillingar. Eit døme er Bjørklund 2011, som analyserer dei ulike etnopolitiske og økonomiske vegvala som vart tatt i tiåra etter andre verdskrigen, med den såkalla Påskeresolusjonen i Karasjok som utgangspunkt.
I 2019 var han medredaktør og medforfattar i tobindsverket Erindringer – samiske beretninger om bakgrunnen til Kautokeino-opprøret, etikk og moral, som på samisk vart gitt ut som Muitalusat.
Bibliografi (utval)
- Bjørklund, Ivar 1985: Fjordfolket i Kvænangen. Fra samisk samfunn til norsk utkant 1550-1980. Universitetsforlaget. 455 s.[3]
- Bjørklund, Ivar 2011: «Påskeresolusjonen i 1960 – Karasjoks etnopolitiske oppgjør.» Heimen - Lokal og regional historie Volum 48.(3) s. 195-206.
Kjelder
Bakgrunnsstoff
- Ivar Bjørklund ved UiT Noregs arktiske universitet.