Guttorm Sindre
Guttorm Sindre (Guthormr Sindri)[Note 1] var ein norsk skald som levde på byrjinga av 900-talet.
Guttorm Sindre | |
Yrke | skald, lyrikar |
Liv og skaldskap
Han må ha levt på den tida då Harald Hårfagre var konge i Noreg, og etter som han gjorde dikt om slaget på Rastarkalv, må han ha døydd ein gong etter 955. Han skal ha vore av god ætt og han var mest truleg fødd i Noreg, men ein veit elles særs lite om livet til Guttorm Sindre.
Han er nemnt i Heimskringla, i soga om Harald Hårfagre[1] og soga om Håkon den gode[2], og han er òg nemnt i den større soga om Olav Tryggvason[3](Ólafs saga Tryggvasonar en mesta). I Skaldatal[4] er han ført opp som skald hos Harald Hårfagre, Halvdan Haraldsson (Svarte) og Håkon den gode.
I soga om Harald Hårfagre (kapittel 37) er der ei skildring om korleis Guttorm Sindre greidde å forlike Harald hårfagre og sonen Halvdan svarte. Truleg var dette den same hendinga som Jorunn Skaldmøy dikta om, i diktet «Sendebit». Han skal ha gjort dikt både om Harald Hårfagre og Halvdan Svarte, men berre nokre vers av Håkonardråpa[5], om Håkon den gode, er kjent i dag. Dette diktet handlar om Håkon den gode sitt hærtog mot Danmark omkring 950, om innsettinga av Trygve Olavsson som konge i Vika, om sigrane over brorsønene (sønene etter Eirik Blodøks) i striden ved Avaldsnes omkring 953 og i slaget på Rastarkalv i 955.
Kjelder og utfyllande opplysningar
Notar
Referansar
Bakgrunnsstoff
- Bjarne Fidjestøl (1982). Det norrøne fyrstediktet. Øvre Ervik: Alvheim & Eide. ISBN 8290359071.
- Finnur Jónsson (1920). Den oldnorske og oldislandske litteraturs historie 1. Købehavn: G. E. C. Gads forlag. s. 442.
- Guttorm Sindre i Norsk biografisk leksikon.