Farah Khan

Farah Khan blei fødd 9. januar 1965. Far hennar, Kamran Khan, var ein stuntman som hadde byrja laga filmar. Mora, Menaka Irani, var syster til dei tidlegare barneskodespelarane Honey Irani og Daisy Irani.^[1] Farah er dermed syskenbarn av filmpersonlegdommane Farhan Akhtar og Zoya Akhtar, som er barna til Honey Irani. Ho har ein bror, Sajid Khan, som er komikar, skodespelar og regissør. Mor hennar var berre 19 då Khan blei fødd, og ho blei i stor grad oppdregen av bestemor si. Far hennar var muslim, medan mora tilhøyrde det indiske parsisamfunnet (også kjend som irani).^[2]

Foreldra skilde lag då ho var lita. Far hennar Kamran Khan hadde først hatt suksess som filmskapar, og hadde til dømes gjeve svigersystera si Honey Irani ein leilegheit å bu i leigefritt då ho gifta seg med den fattige diktaren Javed Akhtar. Etter fleire filmar floppa tapte han mykje pengar, og ekteskapet med Menaka byrja bryta saman på same tid. Farah Khan såg derfor lite til far sin då ho voks opp, og flytta med bror sin mellom ulike heimar.^[3]

Farah Khan gifta seg med Shirish Kunder, filmklipparen for debutfilmen hennar Main Hoon Na,^[4] den 9. desember 2004. Han klippa også den neste filmen hennar, Om Shanti Om. Medan ho laga denne filmen fekk Khan prøverøyrsbehandling og blei gravid med trillingar. Ho fødde ein gut og to jenter i 2008.

Paret har sidan samarbeidd på filmane til kvarandre, til dømes på Jaan-E-Mann og Tees Maar Khan. Dei skipa eit produksjonsselskap, Three's Company, med namn til ære for trillingane sine.^[5]

Medan Farah Khan studerte sosiologi ved St. Xavier's College i Mumbai blei Michael Jackson sin musikkvideo til «Thriller» sloppen. Khan blei så inspirert av denne at ho byrja med dans, sjølv om ho ikkje hadde tidlegare erfaring. Ho skipa ei dansegruppe og skapte seg eit ry. Då koreografen Saroj Khan forlét filmen Jo Jeeta Wohi Sikandar, fekk Khan høve til å teppa inn og fekk eit gjennombrot.^[3]

På settet til Kabhi Haan Kabhi Naa møtte ho den kjende skodespelaren Shah Rukh Khan og byrja eit vennskap og langvarig samarbeid.

Farah Khan sitt arbeid i Monsoon Wedding, Bombay Dreams og Vanity Fair blei nominert Tony-prisen for beste koreografi, i høve Bombay Dreams saman med Anthony van Laast.

Khan regisserte sin første film, Main Hoon Na, med Shah Rukh Khan i ei hovudrolle og produsert av filmselskapet hans Red Chillies Entertainment.

Khan blei den andre kvinna til å bli nominert til Filmfare-prisen for beste regissør i 2005 (etter Mira Nair i 1990).

Den andre filmen hennar, Om Shanti Om med Shah Rukh Khan og debutanten Deepika Padukone i hovudrollene, kom ut i 2007. Han blei den høgast inntenande Bollywood-filmen til då,^[6] og den høgast inntenande i 2007.^[7]

Tees Mar Khan frå 2010 var den neste filmen ho regisserte og også produserte.

Khan kunngjorde planar om å regissera filmen Happy New Year i 2005.^[8] Etter mange forseinkingar og endringar i skodespelarar^{[9][10][11][12][13][14][15][16][17][18][19]} kom filmen endeleg ut i 2014.

Farah Khan trente popstjerna Shakira til å framføra ein Bollywood-versjonen av songen «Hips Don't Lie» til MTV Video Music Awards i 2006.^[20] Khan laga også koreografi for Kylie Minogue til songen «Chiggy Wiggy» i filmen Blue frå 2009.

I 2012 koreograferte ho «Ishq Wala Love» og «Radha» for Student Of The Year. I 2013 koreograferte ho «Jumping Jhapak».Ho koreograferte avsluttingsdansen i Kung Fu Yoga, med Jackie Chan i hovudrolla, i Bollywood-stil.^[21]

I 2012 debuterte Khan som filmskodespelar med ei hovudrolle i Shirin Farhad Ki Toh Nikal Padi, ein romantisk komedie frå parsimiljøet regissert av Bela Bhansali Sehgal.

Khan var programleiar for kjendis-talkshowet Tere Mere Beach Mein, og var dommar i Indian Idol, Jo Jeeta Wohi Super Star, Entertainment Ke Liye Kuch Bhi Karega og Dance India Dance Li'l Masters. Ho var også dommar i danse-realityshowet Just Dance saman med Hrithik Roshan og Vaibhavi Merchant på Star Plus.

I 2015 blei Khan programleiar for realityprogrammet Bigg Boss Halla Bol, ein spin-off av den Big Brother-liknande Bigg Boss sesong 8, etter Salman Khan.^[22]

• 2010 Tees Maar Khan
• 2012 Joker
• 2014 Happy New Year

• 2004 Main Hoon Na
• 2007 Om Shanti Om
• 2010 Tees Maar Khan
• 2014 Happy New Year

• 2004 Main Hoon Na
• 2007 Om Shanti Om
• 2014 Happy New Year

År	Tittel	Skodespelar	Regissør	Produsent	Manusforfattar	Rolle
1998	Kuch Kuch Hota Hai	Y
2003	Kal Ho Na Ho	Y
2004	Main Hoon Na	Y	Y		Y	Seg sjølv Nominert til Filmfare-prisen for beste regissør
2007	Om Shanti Om	Y	Y		Y
2010	Jaane Kahan Se Aayi Hai	Y				Seg sjølv
2010	Tees Maar Khan		Y		Y
2010	Khichdi: The Movie	Y				Seg sjølv (cameo)
2012	Joker	Y		Y		Seg sjølv
2012	Shirin Farhad Ki Toh Nikal Padi	Y				Shirin Fugawala
2012	Student of the Year	Y				Cameo i «Disco Song» som dommar
2014	Happy New Year	Y	Y		Y	Cameo
2016	Devi	Y				Seg sjølv
2019	Student of the Year 2	Y				Cameo in "The Jawaani Song" as a judge
2020	Mrs. Serial Killer			Y

Hyppige samarbeidspartnarar

Skodespelarar	Main Hoon Na (2004)	Om Shanti Om (2007)	Tees Maar Khan (2010)	Happy New Year (2014)
Bindu	Y	Y
Boman Irani	Y			Y
Shah Rukh Khan	Y	Y		Y
Kirron Kher	Y	Y
Akshay Kumar		Y (cameo)	Y
Deepika Padukone		Y		Y
Satish Shah	Y	Y
Murali Sharma	Y		Y