Eugène Burnand
Eugène Burnand (30. august 1850–4. februar 1921) var ein sveitsisk målar.Han vart fødd i Moudon i den sveitsiske kantonen Vaud. Før han i 1872 flytta til Paris, studerte han hos Barthélemy Menn på kunstskulen i Genève. I Paris byrja Burnand arbeide i atelieret til Jean-Léon Gérôme, der han var fram til 1878. Han var i hovudsak kjent som landskapsmålar. Seinare dreiv han òg med grafikk og han illustrerte bøker. Mellom 1907 og 1912 teikna han på fleire av pengesetlane til den sveitsiske nasjonalbanken.
Eugène Burnand | |
Statsborgarskap | Sveits |
Fødd | 30. august 1850 Moudon |
Død | 4. februar 1921 (70 år) |
Yrke | kunstmålar, illustratør, teiknar, grafikar, arkitekt |
Sjanger | portrett |
Eugène Burnand på Commons |
Burnand var sterkt påverka av realismen, og særleg av kunstnarar som Jean-François Millet og Gustave Courbet. Dette ser ein i hans kanskje mest kjende verk; Læresveinane Peter og Johannes springande til grava om morgonen etter oppstoda frå ca 1898. Måleriet heng i dag i Musée d'Orsay i Paris.
Verk i utval
- Brannutrykning, 1879
- Okse i Alpane, 1884
- Gardbrukaren, 1894
- La Prière Sacerdotale, 1900-01
- Pløgjing i Jorat, 1916
- Glasmåleri av Emil Gerster, etter eit måleri av Burnand