Elisabeth Andreassen | |||
| |||
Fødd | 28. mars 1958 (66 år) | ||
---|---|---|---|
Fødestad | Göteborg i Sverige | ||
Fødenamn | Elisabeth Gunilla Andreassen | ||
Alias | Bettan | ||
Opphav | Noreg | ||
Aktiv | 1978– | ||
Sjanger | country | ||
Instrument | gitar, piano, vokal | ||
Tilknytte artistar | Hanne Krogh | ||
Plateselskap | Grappa | ||
Verka som | countrysanger, pianist, gitarist, plateartist, slagersanger, rockesanger, folkesanger |
Elisabeth Gunilla Andreassen, populært kalla Bettan (fødd 28. mars 1958) er ein svensk-norsk songar.
Andreassen vart fødd i Göteborg i Västra Götalands län i Sverige av norske foreldre. Ho voks opp på Källö-Knippla i den nordlege skjærgarden ved Göteborg. Ho oppheldt seg også mykje i Sykkylven, der familien hennar kom frå. Som vaksen busette ho seg på Ullern i Oslo. Ho er gift og har to barn.
Andreassen har gjeve ut ei rekkje album og har sunge alt frå country til musikalar. Ho vann den internasjonale finalen i Eurovision Song Contest i 1985 saman med Hanne Krogh.
I 1978 kom Elisabeth Andreassen på andreplass i Göteborgs-Tidningens talentkonkurranse Sjöstjärnan og spela country saman med Kalle Bäckström og Bengt Adielson i KEB Band på ulike pubar rundt omkring i Göteborg. I byrjinga av 1980 vart ho oppdaga av Lasse Holm ved ein country-galla i Medborgarhuset i Stockholm. Dagen etter fekk ho spele inn ein demo og vart tre veker seinare medlem av bandet Chips og drog rett på turné til Vest-Tyskland. I 1981 konkurrerte Chips (med «Bettan») i Melodifestivalen 1981 og det vart den første gongen av mange.
I 1981-1983 medverka Andreassen òg i musikalen Spök saman med Björn Skifs och Martin Ljung på Maximteater'n i Stockholm og turnerte rundt i Sverige med Chips. Ho arbeidde då òg med countrysongaren Mats Rådberg. På Melodifestivalen 1984 gjekk det ikkje særleg bra då stemma ikkje heldt, men ho fekk revansje året etter då ho og Hanne Krogh (i gruppa Bobbysocks) vann den internasjonale finalen. Etter sigeren kunne dei turnere i både Sverige og Finland og spela i 1986-1987 inn ei plate i Los Angeles. Bobbysocks vart oppløyst i 1988, og begge medlemene heldt fram med karrierane sine som soloartistar. Samanlagt har ho vunne den svenske Melodifestivalen og norske Melodi Grand Prix fire gonger.
Med Kikki Danielsson medverka ho i countryturnéen Country Cross Country (CCC). I 1988 spela ho inn ei countryplate i Nashville i Tennessee.
I 1990 flytte ho til Oslo, og i 1992 var ho programleiar for den norske Melodi Grand Prix-finalen. I 1994 song ho i Melodi Grand Prix med Jan Werner Danielsen og dei to song òg saman, blant anna ved kyrkjekonsertar og ved eit høve i Carnegie Hall i New York. I 1996 vann ho igjen den norske finalen med songen «I evighet». «I evighet» handlar om kjærleik på norsk, svensk («I evighet») og engelsk («Eternity»), og om sport på tysk («Wir sind dabei»).
Sidan slutten av 1990-talet har Andreassen mellom anna vore med i ein konsert-versjon av The Phantom of the Opera, Sofies verden og sunge revy med komikar-gruppa Dizzie Tunes. Platene hennar har vorte blant dei mest selde i Noreg.
Ho opptredde med Lotta Engberg og Kikki Danielsson i ein svensk TV-galla i november 2000 og det gav ideen til at dei tre skulle opptre saman. Trioen Kikki, Bettan & Lotta medverka i Melodifestivalen 2002 og i Melodi Grand Prix 2003. Trioen hadde i 2002-2003 eit tiljubla «krogshow» med tittelen Kikki, Bettan & Lotta - Tre stjerner på same scene - Rondo, Göteborg og Cirkus i Stockholm.
I 2004 turnerte Andreassen i Sverige med Lasse Holms i ein slagerturné som fekk namnet Diggiloo.
Saman med Tor Endresen framførte Andreassen «All Over the World» på engelsk i Melodi Grand Prix 2015, den norske uttakinga til Eurovision Song Contest 2015 i Wien i Austerrike.[1] Bidraget var skrive av Tor Endresen og Are Selheim.[1] Dette var den sjette deltakinga til Andreassen i tevlinga, og den tolvte gongen ho deltok i ei nasjonal uttaking til Eurovision Song Contest. Bidraget vart mellom dei fire beste i finalen og gjekk vidare til gullfinalen der det enda på fjerdeplass. Andreassen tok òg del i opningsnummeret der ho var med på å framføre ein del av «Dschinghis Khan», det vesttyske bidraget i Eurovision Song Contest 1979 i Jerusalem i Israel. Ho tok òg del i pausenummeret der ho, saman med Hanne Krogh, framførte sin eigen vinnarsong frå 1985, «La det swinge».
Eurovision | ||
---|---|---|
Eurovision Song Contest | ||
Tevla for Sverige | ||
08 (F) | 1982 | Artist |
Tevla for Noreg | ||
01 (F) | 1985 | Artist |
06 (F) | 1994 | Artist |
02 (F) | 1996 | Artist |
I 1992 var ho programleiar for Melodi Grand Prix.
År | |||||||||||||||
---|---|---|---|---|---|---|---|---|---|---|---|---|---|---|---|
Artistar |
| ||||||||||||||
Songar |
|
|
Sesong 1 | 1. Katrine Moholt · 2. Guri Schanke · Simen Agdestein · Terje Sporsem · Caroline Dina Kongerud · Signy Fardal · Finn Schjøll · Tom A. Haug · Anita Moen · Otto Robsahm |
---|---|
Sesong 2 | 1. Kristian Ødegård · 2. Susann Goksør Bjerkrheim · Jeanette Roede · Trude Mostue · Christer Torjussen · Elisabeth Andreassen · Tone Damli Aaberge · Eirik Newth · Steffen Tangstad · Ingar Helge Gimle |
Sesong 3 | 1. Tshawe Baqwa · 2. Mona Grudt · Mari Maurstad · Jostein Pedersen · Dag Otto Lauritzen · Esben Esther Pirelli Benestad · Trine Hattestad · Pia Haraldsen · Liv Marit Wedvik · Finn Christian Jagge |
Sesong 4 | 1. Lene Alexandra Øien · 2. Tore André Flo · Gaute Ormåsen · Hans Petter Buraas · Tor Endresen · Janne Formoe · Mikkel Gaup · Siri Kalvig · Hanne Krogh · Jenny Skavlan · Sigurd Sollien |
Superfinale | |
Sesong 5 | 1. Carsten Skjelbreid · 2. Mia Gundersen · 3. Hallvard Flatland · Anita Valen · Ellen Arnstad · Ole Klemetsen · Jan Thomas Mørch Husby · Elin Tvedt · Triana Iglesias · Margrethe Røed · Svein Østvik |
Sesong 6 | 1. Åsleik Engmark · 2. Aylar Lie · 3. Stig Henrik Hoff · 4. Maria Mittet · 5. Tommy Fredvang · 6. Håvard Lilleheie · 7. Cecilie Skog · 8. Stine Buer · 9. Anne Marie Ottersen · 10. Andrine Flemmen · 11. Cato Zahl Pedersen · 12. Einar Gelius |
Sesong 7 | 1. Atle Pettersen · 2. Kari Traa · 3. Lars Bohinen · 4. Stella Mwangi · 5. Noman Mubashir · 6. Anna Anka · 7. Rune Larsen · 8. Anders Jacobsen · 9. Inger Lise Hansen · 10. Rachel Nordtømme |
Sesong 8 | Eldar Vågan · Hanne Sørvaag · Stein Johan Grieg Halvorsen · Lillian Müller · Ben Adams · Marit Mikkelsplass · Lasse Ottesen · Cathrine Larsåsen · Vebjørn Sand · Linni Meister · Lars Erik Blokkhus |
Sesong 9 | Venke Knutson · Isabella Martinsen · Eirik Søfteland · Pål Anders Ullevalsæter · Kathrine Sørland · Kim Daniel Sannes · Linda Johansen · Carl I. Hagen · Eli Hagen · Jarl Goli · Rein Alexander |
Melodifestivalen 2011 | |
---|---|
Deltävling 1 | Dilba · Swingfly · Jenny Silver · Jonas Matsson · Le Kid · Rasmus Viberg · Pernilla Andersson · Danny Saucedo |
Deltävling 2 | Brolle · Loreen · Lars-Åke Wilhelmsson · Elisabeth Andreassen · Sanna Nielsen · The Moniker · Anniela · Christian Walz |
Deltävling 3 | Linda Sundblad · Simon Forsberg · Sara Lumholdt · The Playtones · Shirley's Angels · Sebastian Karlsson · Sara Varga · Eric Saade |
Deltävling 4 | Melody Club · Julia Alvgard · Lasse Stefanz · Linda Pritchard · Anders Fernette · Linda Bengtzing · Nicke Borg · Love Generation |
Andra chansen | Jenny Silver · Love Generation · Loreen · Sara Varga · The Moniker · Linda Pritchard · Shirley's Angels · Pernilla Andersson |
Final | Danny Saucedo · Sara Varga · The Moniker · Brolle · Linda Bengtzing · Nicke Borg · Swingfly · Sanna Nielsen · The Playtones · Eric Saade |
Alexandra Joner med Kringkastingsorkesteret · Contrazt (Gro Anita Johansen, Leif Dybendal, Gunnar Erik Ryen, Tommy Sagerud og Roar Sagerud) · Erlend Bratland med Kringkastingsorkesteret · Ira Konstantinidis · Jenny Langlo · Karin Park · Marie Klåpbakken med Kringkastingsorkesteret · Mørland & Deborah Scarlett med Kringkastingsorkesteret · Raylee · Staysman & Lazz med Kringkastingsorkesteret · Tor & Bettan med Kringkastingsorkesteret |