Dirty rice

Dirty rice er ein tradisjonell risrett frå Sørstatane i USA.^[1] Han blir kalla dirty ('skitten') på grunn av den litt skitne fargen gjeven av innvolane og krydderet ein har oppi.^[1][2] Eit anna namn på retten er rice dressing.^[3]

Ein lager typisk dirty rice med kvit ris, kyllingkjøt som krås, lever og andre innvolar. Ein kan også bruka kjøtdeig frå svin eller storfe, særleg i variantar kalla rice dressing.^[4] Andre ingrediensar er grøn paprika, selleri, lauk^[5] og krydder som cayenne og svart pepar.^[6] Vanleg garnityr er persille og vårlauk.

Dirty rice er særleg knytt til cajunfolk og louisianakreolar. Slike blanda risretter er vanlege i afroamerikansk og karibisk matlaging.^[2]