Catarina Furtado
Catarina Cardoso Garcia da Fonseca Furtado (fødd 25. august 1972)[1] er ein portugisisk programleiar, skodespelar og goodwill-ambassadør for befolkningsfondet til SN.[2] Furtado vart fødd i Lisboa og er dottera til den kjende RTP-journalisten Joaquim Furtado. Ho er ein av dei mest kjende tv-personlegdomane i Portugal og var ein av fire programledere for Eurovision Song Contest 2018 i Lisboa.[3][4]
| Catarina Furtado | |
.jpg) | |
| Statsborgarskap | Portugal |
| Fødd | 25. august 1972 (51 år) Lisboa |
| Yrke | skodespelar, manusforfattar, programleiar, filmskodespelar, fjernsynsskodespelar, teaterskodespelar |
| Språk | portugisisk |
| Far | Joaquim Furtado |
| Nettstad | http://www.coracoescomcoroa.org/ |
| Catarina Furtado på Commons | |
Karriere
Furtado starta tv-karrieren i byrjinga av 1990-åra og har jobba for tv-kanalar som SIC og RTP, i tillegg til radiostasjonane Rádio Comercial og RDP Antena 3. Ho hadde si fyrste spelefilmframsyning i 1990 – ei replikklaus rolle i filmen Non, ou a Vã Glória de Mandar, regissert av Manoel de Oliveira. Seinare spela ho i filmar som Killing Time (1997), Fatima (1997) og Anjo da Guarda (1998).[5]
Furtado fekk sitt nasjonale gjennombrot som programleiar for hitliste-programmet Top + på ålmennkringkastaren RTP. Seinare starta ho som programleiar for MTV Portugal og deretter som programleiar for ei rekkje andre tv-program på ulike kanalar. Blant anna har ho leia Festival da Canção, det portugisiske svaret på Melodi Grand Prix, fire gongar: 2003, 2004, 2015 og 2017.[4]
Furtado var programleiar for Eurovision Song Contest 2018 saman med Sílvia Alberto, Daniela Ruah og Filomena Cautela.[6]
Film og fjernsyn
- Eurovision Song Contest 2018
- Filhos do Rock (2013–2014)
- The Voice Portugal (2011–)
- Cidade Despida (2010)
- Dá-me Música
- A minha geração (2008)
- Dança Comigo (2006–2007)
- Pequenos em Grande (2005)
- Operação Triunfo (2003)
- Pequenos e Terríveis (1999)
- Uma Noite de Sonho (1995)
- Caça ao Tesouro (1994)
- Chuva de Estrelas (1993)
- MTV Portugal (1992)
- Top + (1991–1992)
- Gala Globos de Ouro
- As Mais Belas Canções de Natal
- SIC No País do Natal
- Gala Portugal Fashion
- Uma Aventura
- O Lampião da Estrela
- Catarina.com
- Fátima
- A Ferreirinha
- Natal dos Hospitais