Blixprisen

For kunstprisen, sjå Blixprisen i Danmark.

Blixprisen, somme tider skrive Blix-prisen, er ein norsk litteraturpris som vert delt ut årleg til ein nordnorsk forfattar som skriv nynorsk. Det skal leggjast vekt på å heidra yngre forfattarar og forfattarar som skriv for ungdom. Prisen kan delast ut for skjønnlitteratur eller faglitteratur. Grunnlaget for prisen er Emma og Elias Blix' legat. Prisvinnaren vert utpeika etter tilråding frå ei nemnd med medlemmer frå Nord-Norsk Kulturråd, Nordnorsk Forfatterlag og Det Norske Samlaget.

Legatet som gjev det økonomiske grunnlaget for prisen, er gjeve av Marie (1873-1920) og Einar Blix (1880-1941) og sett i verk av Ivar Blix til minne om foreldra deira, Emma og Elias Blix, og «skal ha til oppgåve å fremja arbeidet for nynorsk litteratur». Legatet vert forvalta av Det Norske Samlaget.