Aud Inger Aure
Aud Inger Aure (12. november 1942–7. juni 2023) var ein norsk jurist og politikar frå Kristeleg Folkeparti. Ho var den fyrste kvinnelege ordføraren i Kristiansund.[1] Aure var justisminister i perioden 1997–1999 i Regjeringa Bondevik I. Ho måtte trekkje seg som statsråd på grunn av alvorleg sjukdom.[2]
| Aud Inger Aure | |||
| Fødd | 12. november 1942 Bremsnes | ||
|---|---|---|---|
| Død | 7. juni 2023 (80 år) | ||
| Statsborgar av | Noreg | ||
| Parti | Kristeleg Folkeparti | ||
| Yrke | politikar | ||
| Verv | Ordførarar i Kristiansund 1995–1997 | ||
| Føregangar | Harald Stokke | ||
| Etterfylgjar | Dagfinn Ripnes | ||
| Alle verv |
| ||
Utdanning og yrkesliv
Aure var cand.jur. frå 1993; ho tok juristutdanninga etter å ha arbeidd mange år som rekneskapskonsulent. Ho var distriktsarbeidssjef i Kristiansund frå 1994 til 1995.[3]
Politiske verv
Ho var medlem av fylkestinget i Møre og Romsdal i perioden 1983–1995, og ordførar i Kristiansund frå 1995 til 1997,[3] og deretter i ein kort periode i 1999 etter at ho gjekk av som justisminister.[2][1] Ho var vararepresentant til Stortinget 1985–1993, og møtte fast som stortingsrepresentant 1989–1990 medan Kjell Magne Bondevik var utanriksminister i Jan P. Syse si regjering.