Arnulf

Arnulf er eit mannsnamn av norrønt eller gammalhøgtysk opphav. Ørnulf er eit nærskyld opphavleg norrønt mannsnamn. Begge namna har namnedag den 18. juli i Noreg.

Dei norrøne namna Arnulfr eller Ǫrnolfr er sett saman av ǫrn, 'ørn', og ulfr, 'ulv'. Arne og Ulf er avleidde former.

På islandsk er namna kjende som Arnúlfur og Örnólfur. Arnulf har spreidd seg i Europa, som Arnolfo på italiensk, Arnulphe på fransk. Tysk Arnold og fransk Arnauld og Arnaud kan vera påverka av namnet.

I 2009 var det 739 norske menn som heitte Arnulf. På 1900-talet var namnet mest gjeve frå 1920- til 1940-talet, med ein topp rundt 1930. Det var 431 norske menn som heitte Ørnulf i 2009.

Namneberarar

Arnulf

Ørnulf

Heilage Arnulf av Metz (d. 641), karolingisk stamfar, biskop og helgen
Arnulf av Det tysk-romerske riket (850-899)
Arnulf av Löwen (ca. 1200-1250), tysk abbed og forfattar
Arnolfo di Cambio (ca. 1240–1300/1310), italiensk arkitekt og bilethoggar
Arnulf Øverland (1889–1968), norsk forfattar, døypt Ole Petter Arnulf Øverland
Arnulv Sudmann (1912 - 1981), målmann
Arnulf Rainer (f. 1929), austerriksk kunstnar

Ørnulf Bjarne Bast (1907-1974) norsk bilethoggar
Ørnulf Gulbransen (1916-2004), norsk fløytist
Ørnulf Ranheimsæter (1919-2007), norsk biletkunstnar
Ørnulf Tofte (f. 1922), norsk polititenestemann
Ørnulf Boye Hansen (f. 1933), norsk fiolinist
Ørnulf Hodne (f. 1935), norsk folkeminneforskar døypt Ørnulf Andreas Hodne
Ørnulf Opdahl (f. 1944), norsk biletkunstnar

Oppdikta

Ørnulf Ørn (eng. Emil Eagle) er ein av skurkane i Disney-samfunnet Andeby.

Kjelder

«Arnulf – mannsnavn» i Store norske leksikon, snl.no.
«Arnulf» i Store norske leksikon, snl.no.
Søk etter norsk namnestatistikk for Arnulf og Ørnulf hjå Statistisk Sentralbyrå