Øya Villa

Villa er ei øy i Flatanger kommune i Trøndelag. Arealet er 1,2 kvadratkilometer. Villa ligg ytst i skjergarden i Flatanger med havstykket Folda som næraste nabo i nord og vest.

Øya Villa
Geografi
Stad	Namdalen
Koordinatar	64°32′52″N 10°41′19″E / 64.54778°N 10.68861°E / 64.54778; 10.68861
Areal	1,2 km²
Høgaste punkt	Villafjellet (106 moh.)
Administrasjon
Land	Noreg
Fylke	Trøndelag
Demografi
Folketal	0

Store delar av øya består av snaufjell og svaberg, men ho har òg myr- og lyngområde og kan by på en rikhaldig flora, òg med meir sjeldne planter. Gul nykkerose finst på Villa, og planta vassgro har si nordlege grense her. På øya ligg òg Villa fyr som var i drift frå 1839 til 1890. Ved folketeljinga i 1875 budde fire familiar her: fyrforvaltar, fyrassistent og to losfamiliar. Øya hadde fastbuande fram til 1960-talet.

Denne geografiartikkelen som har med Trøndelag å gjere, er ei spire. Du kan hjelpe Nynorsk Wikipedia gjennom å utvide han.