Ávila
| Ávila | |||||
|---|---|---|---|---|---|
| |||||
| Plassering | |||||
  | |||||
| Styresmakter | |||||
| Land |  Spania | ||||
| Autonom region | Castilla y León | ||||
| Provins | Ávila | ||||
| Grunnlagd | [[]] | ||||
| Borgarmeister | Miguel Ángel García Nieto | ||||
| Geografi | |||||
| Flatevidd - By | 231,9 km² | ||||
| Innbyggjarar - Totalt (2006) - folketettleik | 56 144 242,1 /km² | ||||
| Koordinatar | 40°39′N 4°41′W / 40.650°N 4.683°W | ||||
| Høgd over havet | 1131 moh | ||||
| Diverse annan informasjon | |||||
| Postnummer | 05001 - 05006 | ||||
| Nettstad: www.avila.es | |||||
Ávila de los Caballeros (latinsk Abila og Óbila) er provinshovudstaden i provinsen Ávila i den autonome regionen Castilla y León i Spania.
Byen ligg 1117 meter over havet og er den høgastliggande provinshovudstaden i landet. Han ligg på ein flat topp som stig bratt opp frå den omliggande villmarka. Dette gjer at byen har eit ekstremt klima med særs harde, lange vintrar og korte somrar.
Historie
Ávila kan ha vore den gamle byen Abula, nemnd av Ptolemaios i Geographia (II 6, 60) i den iberiske regionen Bastetania.[1] Abula er nemnd som ein av dei første byane i Hispania som vart kristna, særleg av Saint Secundus (San Segundo).[1] Men Ávila kan òg ha vore Obila istadenfor , medan Abula kan ha vore Abla.[1]
Ávila er mest kjend for bymurane frå mellomalderen. [2]. Dei vart bygd av brun granitt i 1090 med åtti tårn og ni portar som framleis er intakte. Ein stor del av byen ligg derimot i dag utanfor bymurane. Den gotiske katedralen er ein del av forsvarsverket i byen. Han vart bygd mellom 1100- og 1300-talet og ser ut som ei festning med befesta murar og to solide tårn. I tillegg vart dei romanske kyrkjene San Vicente, San Pedro og San Segundo bygd på 1100-talet. I det gotiske klosteret Santo Tomás, reist av den katolske dronninga Isabella i 1482, står ein marmorskulptur, hogd ut av den florentinske skulptøren Domenico Fancelli på 1400-talet. Skulpturen står over grava til prins Juan, den einaste sonen til Ferdinand og Isabella.
Bakgrunnsstoff
Wikimedia Commons har multimedia som gjeld: Ávila