सुन्दरीमाई मन्दिर

सुन्दरीजल प्रवेश गर्ने प्रमुख नाका सुन्दरीजल बसपार्कवाट निकुञ्जको मार्ग हुदैँ केही व. कि. मि को दुरीमै अवस्थित सुन्दरीमाई मन्दिरको हिन्दु धर्मालम्बीहरूमा विभिन्न महत्त्व रहिआएको छ । नेपालीहरूको महान चाड दशौँको ९ दिन नै यस मन्दिरमा हिन्दु धर्मालम्बीहरूको ठूलो घुँईचो लाग्ने गर्दछ । दशौँको ९ दिनसम्म पुजिने देवीहरु मध्य यस सुन्दरीमाई मन्दिरले पनि आफ्नो फरक महत्त्व बोकेको छ । सुन्दरीमाई मन्दिरको उचित व्यवस्थापनको लागि यस मन्दिरमा पुजारीको समेत व्यवस्था गरिएको छ । दैनिक पुजापाठ बाहेक पनि यस मन्दिरमा विभिन्न धार्मिक सङ्घ संस्था तथा व्यक्तिकै आयोजनामा पनि विशेष पुजापाठ तथा लाखवत्ती प्रजोलनको कार्यक्रम समेत आयोजना गर्ने गरिन्छ ।