राेशन

जनवरी २००३ मा, रोशनलाई अफगानिस्तानमा दोस्रो, जीएसएम अनुमति पत्रद्वरा सम्मानित गरियो । त्यस बेला १ दशक लामो गृहयुद्धको कारण अफगानिस्तानमा एकमात्र अर्को मोबाइल फोन सञ्चालक (अफगानिस्तान वायरलेस) थियो । देशमा दुरसञ्चार पूर्वाधारको अत्यन्त कमी थियो । तालिबानको पतन हुनु भन्दा पहिला, फोन लाइनहरू जनताहरूमा पहुँचयोग्य थिएन, र मानिसहरू अन्तर्राष्ट्रिय कल गर्नको लागि विदेश भ्रमण गर्ने गर्दथे ।

अफगानिस्तानमा मुख्य दुरसञ्चार प्रदायक रोशन, जसको मतलब फारसी भाषामा "प्रकाश" वा "आशा" हो । हाल रोशन जीएसएम अफगानिस्तानको सबै ३४ प्रान्तहरू २४० शहरमा पुगेको छ । सबैभन्दा टाढाको ग्रामीण क्षेत्र र यसका नजिकैका भुभाग गरी यसले ६०% भन्दा बढी जनसङ्ख्यामा आफ्नो गुणस्तरी सेवा प्रदान गर्दै आइरहेको छ ।

निजी कम्पनी र करदाताहरू मध्येरोशन, अफगानिस्तानमा सबैभन्दा ठूलो लगानीकर्ता हो । यसले अफगानिस्तानमा दुरसञ्चार पूर्वाधारमा लगभग ६०० मिलियन डलर लगानी गरेको छ । रोशनले नेटवर्कमा कुनै सञ्जाल विस्तार नगरिएको वा नेटवर्क नभएको क्षेत्रमा आफ्नो सेवा बिस्तार गरिरहेको छ ।

रोशनले १,१०० भन्दा बढी मानिसहरूलाई रोजगार दिएको छ जसमा २०% महिलाहरू छन् । अप्रत्यक्ष रूपमा, कम्पनीले माथिल्लो स्टेशन, खुद्रा पसल र सार्वजनिक कल कार्यालयहरू मार्फत ३०,००० भन्दा बढी नागरिकहरूलाई रोजगारी प्रदान गरेको छ ।

रोशनले अप्रिल २०१३ मा जीको भित्राएको थियो । यो इतिसलट (संयुक्त अरब इमिरेट्स) र एमटीएन (दक्षिण अफ्रिका) पछि ३ जी इजाजतपत्र पाउने तेस्रो कम्पनी बनेको थियो । हाल काबुल, जलालाबाद, कन्दाहर , मेजर, हेरत र कुन्दुजमा ३ जी सेवा सञ्चालनमा रहेकोे छ ।

रोशन अफगानिस्तानमा सबैभन्दा ठूलो दुरसञ्चार सेवा प्रदायक हो। यसका मुख्य प्रतिस्पर्धीहरू: एटिसलात, एमटीएन, अफ्गान वायरलेस र अफगानिस्तान टेलिकम हुन् र यी मध्य पनि यसको चिर प्रतिद्वन्दी अफगानिस्तानको पहिलो दुरसञ्चार कम्पनी अफगान वायरलेस हो।

निम्न रोशनका शेयरधनीहरू रहेका छन् ।

• ५१.००%:आर्थिक विकासको लागि आगा खान कोष
• ३६.७५%: मोनाको टेलिकम
• १२.२५%: तेलिया सोनेरा एबी

२००८ मा, रोशनले एम-पैसा, पैसा हस्तान्तरण सेवा सुरू गरेको थियो । जसले दर्ता गरिएका ग्राहकलाई आफ्नो मोबाइल फोनबाट सबै बित्तिय सेवा प्रदान गरेको छ । रोशनले यो सेवा सुरू गर्न भोडाफोनसँग साझेदारी गरेको थियो र एम-पैसा अहिले कम्भिभा प्लेटफर्ममा सञ्चालन हुने गरेको छ ।

विकिमिडिया कमन्समा रोशन सम्बन्धी अन्य सामग्रीहरू रहेका छन्।

• आधिकारिक वेबसाइट