Thomas Schaaf

Vun den 1. Juli 1972 af an is Schaaf Liddmaat bi den SV Werder Bremen. Bit 1979 hett he dor in de Jugend speelt, dorna weer he bit 1995 Profi. He hett in dat Werder-Trikot 262 Spelen in de Bundsliga un 19 Spelen in de Tweete Liga mitmaakt. Dorbi is he twee Mol düütschen Meester wurrn (1988 un 1993), hett twee Mol den DFB-Pokal wunnen (1991 un 1994) un eenmol den Europapokal vun de Pokalwinners (1992).

Vun 1987 bit 1995 weer Thomas Schaaf Jugendtrainer bi Werder Bremen. Later is he upstegen to’n Trainer vun de Amateurmannschop. Vun den 10. Mai 1999 af an traineert he de Profimannschop. He keem, as de Mannschop ganz unnen in de Tabell stünn. Toeerst hett he dat afwehren konnt, dat de Mannschop in de tweete Liga afstegen is, un een Maand later hett he dat henkregen, dat se in dat Endspeel gegen den FC Bayern München in Berlin den DFB-Pokal wunnen hett. Fiev Johr later, in de Speeltiet 2003/2004 hett he dat Team to’n „Double“ föhrt, dat heet: Werder is Meester wurrn un hett ok noch den Pokal wunnen. Dormit is düsse Speeltiet in de ganze Geschicht vun den SV Werder de beste wurrn. Soveel harr de Vereen vördem nie nich schafft. Later hett de Vereen unner Schaaf regelmatig de Qualifikatschoon för de UEFA Champions-League schafft. 2004/2005 un 2006/2007 as Bundsliga-Drüdden, un 2005/2006 un 2007/2008 as Tweeten.

Thomas Schaaf hett de Fachhoochschool afslaten un is as Football-Lehrer utbillt. He is verheiraat un hett ene Dochter. Vun 2004 af an maakt Thomas Schaaf mit as Bootschapper för dat Zentrum för Kinner un Jugendliche in Troer e.V. in Bremen.^[1].

• Düütsch Meester 2004 mit Werder Bremen
• DFB-Pokal-Winner 1999, 2004 un 2009 mit Werder Bremen
• DFL-Ligapokal-Winner 2006 mit Werder Bremen

• 2004: Mann vun’t Johr in’n düütschen Football un Trainer vun’t Johr.
• 2005 hett dat spaansche Dagblatt „AS“ Thomas Schaaf to een vun de besten Trainers in de Tokunft wählt.^[2]

• Werder.de – Över den Trainer

Mannschop vun Werder Bremen in de Saison 2009/10

Aymen Abdennour |Niklas Andersen |Kevin Artmann |Philipp Bargfrede |Sebastian Boenisch |Tim Borowski |Torsten Frings |Clemens Fritz |Márkó Futács |Hugo Almeida |Aaron Hunt |Said Husejinović |José-Alex Ikeng |Daniel Jensen |Marko Marin |Per Mertesacker |Sebastian Mielitz |Naldo |Peter Niemeyer |Mesut Özil |Petri Pasanen |Timo Perthel |Claudio Pizarro |Sebastian Prödl |Markus Rosenberg |Dominik Schmidt |Pascal Testroet |Christian Vander |Sandro Wagner |Tim Wiese |Trainer: Thomas Schaaf