Raymond Smith Dugan

Raymond Smith Dugan (* 30. Mai 1878; † 31. August 1940) weer en US-amerikaansch Astronom.

Dugan hett 1902 sien Studium an’t Amherst College (Massachusetts) afslooten un gung denn nah Heidelbarg, wo he 1905 an de Steernwacht Heidelbarg-Königstuhl sien Dissertatschon verfaat hett.

To disse Tied weer de Heidelbarger Steernwacht ünner Max Wolf en Zentrum vun de Asteroidenbeobachtung un –opdecken. To sien Tied dor, hett Dugan 16 Asteroiden opdeckt.

Dugan gung 1905 weer in de USA torüch un hett an de Princeton University arbeidt. 1908 wurr he Assistent-Perfesser un 1920 Perfesser. 1909 hett he Annette Rumford heiraadt.

1927 hett he tosommen mit Henry Norris Russell un John Quincy Stewart en inflootriek, tweebändig Wark mit den Titel Astronomy: A Revision of Young’s Manual of Astronomy (Ginn & Co., Boston, 1926-27, 1938, 1945) verfaat, wat över twee Johrteinten to en astronoomsch Standardwark wurr. De eerste Band beschäftig sück mit dat Sünnystem, de tweete mit Astrophysik un de stellare Astronomie.