Heiko
- Siet
- Diskuschoon
Warktüüch
Allmeen
Drück/drag ut
In anner Projekten
Heiko is en plattdüütschen Vörnaam för Jungs. Sünnerlich in Noordwestdüütschland un in de vörmolige DDR gifft dat düssen Naam hüdigendags.
Düsse Naam is bloß en annere Schrievwies vun den Naam Hayko. Just so, as de, geiht he torüch up den korten Naam Haje oder Heie. As dor denn en Smusenaam för lüttje Göörn oder en Vadernaam vun maakt weern scholl, is dor dat Anbacksel to'n lüttjer maken -ke achtern anbackt wurrn. So keem dor denn Heike bi rut, wat en Naam för Jungs un Deerns is.
Wenn dat kloor ween scholl, dat sik dat üm en Jungsnaam hanneln deit, denn möss dor noch en Maskulin-Suffix achtern ran. Dat weer dat -o, wat achtern an den Naam an de Steed vun dat -e treden dö. Denn weer de Naam Heiko fardig. Nu weer kloor: Heiko is en Jungsnaam.