Dangriga

De Oort liggt an de Münn von’n North Stann Creek in de Karibische See. Dat Rebeed wieder baven den North Stann Creek rop warrt Stann Creek Valley nöömt. In’n Süüdwesten liggt de Gra-Gra-Lagoon-Natschonaalpark.

De Naveröörd sünd Hopkins un Silk Grass in’n Süüdwesten, Sarawee un Long Bank in’n Westen un Hope Creek, Melinda un Mullins River in’n Noordwesten.

De Oort is vör 1832 von Garifuna ut Honduras grünnt worrn un is bet vondaag de kulturelle Hööftstadt von de Garifuna-Kultur in Belize. Dangriga is dorüm ok de zentrale Oort för de Fiern to’n Garifuna Settlement Day, de elk Johr an’n 19. November fiert warrt.

De Inwahners weren bi’n Zensus 2000 to 63 % Garifuna, to 20 % Kreolen un to 12 % Mestizen. De Rest hett sik op de verscheden annern Volksgruppen von Belize opdeelt.^[2]

In Dangriga besteiht mit dat Southern Regional Hospital en Krankenhuus mit 52 Bedden.

De Commerce Bight Port leeg veer Kilometer in’n Süden von de Stadt un hett von 1908 bet 2013 en groten Deel von’n Worenhannel in Süüd-Belize afwickelt.

De Oort is Ennpunkt von’n Hummingbird Highway, de in’n Noordwesten över Armenia na Belmopan an’n George Price Highway föhrt. Twüschen Sarawee un Hope Creek geiht von’n Hummingbird Highway na Süüdwesten de Southern Highway af, de över Dump na Punta Gorda löppt.

Von 1908 bet 1937 hett dat mit de Stann Creek Railway en Bahnlien geven, de von Dangriga bet Middlesex güng.

De Flegerplatz Dangriga liggt an’n Noordrand von’n Oort.

• 1887: Thomas Vincent Ramos, Garifuna-Aktivist
• 1930: Osmond P. Martin, Bischop
• 1954: Pen Cayetano, Musiker
• 1955: Arlie Petters, Physiker
• 1993: Rakeem Nuñez-Roches, American-Football-Speler