Carrie Fisher
Carrie Frances Fisher (* 21. Oktober 1956 in Beverly Hills (Kalifornien), USA; † 27. Dezember 2016 in Los Angeles[1]) weer en US-amerikaansche Schauspelersche un Schrieversche.
.jpg)
Leven un Wark
Fisher is de Dochter vun den Singer Eddie Fisher un de Schauspelersche Debbie Reynolds. De beiden hebbt sik scheden laten, as Carrie jüst twee Johr oolt weer. Ehr Vadder hett kort dorop de Schauspelersche Elizabeth Taylor heiraadt. Se hett en Broder, Todd Fisher, un twee Halfsüstern, Joely Fisher un Tricia Leigh Fisher, de beide Schauspelersche sünd. Carrie Fisher is op de „Beverly Hills High School“ gahn un later op de „Central School of Speech and Drama“ in London.
Ehr eerste Filmrull harr se 1975 in Shampoo. Twee Johr later speel se to’n eersten mol ehr bekannteste Rull, Prinzessin Leia, in de Trilogie vun Star Wars. As Schrieversche hett se 1987 ehr eerst Book rutbrocht. Dat weer de Roman Postcards From the Edge (dt.. Grüße aus Hollywood), de autobiograafsche Elementen bargt, vun wegen dat de Hööftfigur – gliek ehr sülvst – Problemen dörleevt mit Drogen un ok mit ehr Moder. Disse Roman is 1989 ünner annern mit de Schauspelers Meryl Streep, Shirley MacLaine un Dennis Quaid ünner den Originaltitel Postcards from the Edge verfilmt worrn.
Carrier Fisher weer vun 1983 bit 1984 mit den Musiker Paul Simon verheiraadt. Se hett een Dochter tosamen mit Bryan Lourd, Billie Catherine Lourd, de 1992 boren weer. Mit Lourd weer se ok twee Johr verheiraadt, man de beiden sünd 1995 wedder uteneen gahn. Fisher is in’n Dezember 2016 an de Folgen vun en Hartinfarkt doodbleven.
Filmografie (Utwahl)
| Johr | Titel | Synchroonsnacker |
|---|---|---|
| 1975 | Shampoo | Hansi Jochmann |
| 1977 | Star Wars: Episode IV – A New Hope dt.: Krieg der Sterne | Susanna Bonaséwicz |
| 1980 | Star Wars: Episode V – The Empire Strikes Back dt.: Das Imperium schlägt zurück | Susanna Bonaséwicz |
| 1980 | The Blues Brothers dt.: Blues Brothers | Marianne Groß |
| 1981 | Under the Rainbow dt.: Geheimauftrag Hollywood | Cornelia Meinhardt |
| 1983 | Star Wars: Episode VI – Return of the Jedi dt.: Die Rückkehr der Jedi-Ritter | Susanna Bonaséwicz |
| 1984 | Garbo Talks dt.: Die Göttliche | |
| 1985 | The Man with One Red Shoe dt.: Der Verrückte mit dem Geigenkasten | Evelyn Maron |
| 1986 | Hannah and Her Sisters dt.: Hannah und ihre Schwestern | Ulrike Möckel |
| 1986 | Hollywood Vice Squad dt.: Hollywood Cop | Susanna Bonaséwicz |
| 1987 | The Time Guardian dt.: Wächter der Zukunft | |
| 1987 | Amazon Women on the Moon dt.: Amazonen auf dem Mond | |
| 1988 | Appointment with Death dt.: Rendezvous mit einer Leiche | Dagmar Heller |
| 1989 | She’s Back dt.: Zurück aus dem Jenseits | |
| 1989 | The ’burbs dt.: Meine teuflischen Nachbarn | Susanna Bonaséwicz |
| 1989 | When Harry Met Sally... dt.: Harry und Sally | Kerstin Sanders-Dornseif |
| 1990 | Sweet Revenge dt.: Rache ist süß | |
| 1990 | Sibling Rivalry dt.: Eine fast anständige Frau | Kerstin Sanders-Dornseif |
| 1991 | Drop Dead Fred dt.: Mein böser Freund Fred | Maddalena Kerrh (VHS) |
| 1992 | This Is My Life dt.: Showtime – Hilfe, meine Mama ist ein Star | Dagmar Heller |
| 1997 | Austin Powers: International Man of Mystery dt.: Austin Powers - Das Schärfste, was Ihre Majestät zu bieten hat | Katharina Lopinski |
| 2000 | Scream 3 | Liz Kertelge |
| 2001 | Heartbreakers dt.: Heartbreakers – Achtung: Scharfe Kurven | Marion Hartmann |
| 2001 | Jay and Silent Bob Strike Back dt.: Jay und Silent Bob schlagen zurück | Kerstin Sanders-Dornseif |
| 2003 | Charlie’s Angels: Full Throttle dt.: 3 Engel für Charlie – Volle Power | Kerstin de Ahna |
| 2003 | Wonderland | Susanne Wirtz |
| 2004 | Statesite dt.: Sinners | |
| 2005 | Undiscovered dt.: Newcomer – Tausche Ruhm gegen Liebe | Monica Bielenstein |
| 2007 | Suffering Man’s Charity | |
| 2009 | White Lightnin’ | |
| 2010 | Wright vs. Wrong, Feernsehn | |
| 2012 | It’s Christmas, Carol!, Feernsehn | |
| 2014 | Maps to the Stars | Ulrike Johannson |
| 2015 | Star Wars: Episode VII – The Force Awakens dt.: Star Wars: Episode VII – Das Erwachen der Macht | Susanna Bonaséwicz |
| 2017 | Star Wars: Episode VIII – The Last Jedi dt.: Star Wars – Episode VIII: Die letzten Jedi | Susanna Bonaséwicz |
| 2005-17 | Family Guy, Feernsehreeg | Eva Maria Bayerwaltes Ilona Grandke (af Staffel 12) |
Bibliografie
- 1987: Postcards From The Edge (dt.: Grüße aus Hollywood; ISBN 3-442-09310-4)
- 1991: Surrender The Pink (dt.: Beziehungsweise Liebe; ISBN 3-442-41216-1)
- 1993: Delusions Of Grandma (dt.: Bye bye, ich liebe dich; ISBN 3-404-16193-9)
- 2004: The Best Awful There Is (in Düütschland nich rutkamen; ISBN 0-7432-6930-6)
Utteken
Carrie Fisher weer 1984 as Beste Hööftdorstellerin för den Saturn Award för ehr bekannte Rull Prinzessin Leia nomineert un 1991 för den BAFTA Award för’t Beste adapteerte Dreihbook, neemlich ehrn verfilmten Roman Postcards From the Edge. Wunnen hett se twee Filmpriesen:
- 1978: den Saturn Award in de Kategorie Best Schauspelerin – Science Fiction för Star Wars.
- 1990: den President’s Award vun de Academy of Science Fiction, Fantasy & Horror Films
Borns
Weblenken
- Carrie Fisher in de Internet Movie Database (engelsch)
- Literatur vun un över Carrie Fisher in de Düütschen Natschonalbibliothek
- Ehr offiziell Websteed