Fifty Shades of Grey (film)
Fifty Shades of Grey (Cinquanta sfumature di grigio) è nu film 'e 2015 diretto 'a Sam Taylor-Johnson, cu prutaguniste Jamie Dornan e Dakota Johnson, basato ncopp'a l'omonimo best seller 'e E. L. James, che è pure 'a produttrice d' 'o film.
Tramma
'O film racconta 'a storia d' 'a studentessa 'e 21 anne Anastasia Steele e comme arriva a se ntennere c' 'o ricco e putente Christian Grey. Nu juorno capitaje c' 'a sturentessa Ana avett'a ffà na ntervista cu Christian Grey, comm'a nu favore a ll'amica Kate, e picciò chista se ne jette a se ncuntrà cu isso. Quann' 'o trova faccia a faccia se scummoglia ca fosse nu bellu e brillante ommo, ma pure 'a facesse nu poco 'e mpressione.
Aropp'a sta ntervista, Ana: nnucente ma scuieta, rummane stuppecchiata e po' se ffà capace ca vulesse st'ommo annanz'a tutto. Pure isso nun può fà resistenza e ammette c' 'a vulesse. Mmescata int'a sta passiona, Ana scummoglia 'a verità ncopp' 'a Grey: ca pure cu tutt' 'o succiesso ncopp' 'e business, se piglia smanie ca 'o purtassero a cuntrullà tutto pure purtanno a chisto a se mmescà dint'a pratiche sessuale BDSM. Pe' tramente ca Ana nce se mette int'a vita 'e Grey, pigliarrà canoscenza 'a primma vota d' 'e propie fantasie.
Atture
.jpg)
- Dakota Johnson – Anastasia "Ana" Steele[1]
- Jamie Dornan – Christian Grey[2]
- Eloise Mumford – Katherine "Kate" Kavanagh[3]
- Luke Grimes – Elliot Grey[4]
- Rita Ora – Mia Grey[5]
- Victor Rasuk – José Rodriguez[6]
- Max Martini – Jason Taylor[7]
- Dylan Neal – Bob Adams[8]
- Callum Keith Rennie – Raymond "Ray" Steele[9]
- Jennifer Ehle – Carla Wilks[10]
- Marcia Gay Harden – Grace Trevelyan Gray[11]
- Aaron Taylor-Johnson[12]
- Andrew Airlie – Carrick Grey
- Anthony Konechny – Paul Clayton
- Emily Fonda – Martina
- Rachel Skarsten – Andrea
Ncopp' 'o film
Pruduziona
Int'a ll'anno 2012, nu cuofeno 'e prudutture accuminciajeno 'a penzà a ffà 'o film: 'a Warner Bros., Sony Pictures, Paramount Pictures, Universal Pictures e Mark Wahlberg stevano a faticà ncopp' 'o pre-pruggetto ncopp' 'a stu film. Int'a marzo 'e chill'anno se decidette ca fosse Universal Studios aunito cu Focus Features, ca 'o facessero.[13]
Critica
'O film se pigliaje assaje ricensiune 'a nu cuofeno 'e critece: 'O purtale Rotten Tomatoes raccuoglie ca nu 26 peccento d' 'e critece ricesse ca chistu fosse frisco, cu bbase a nu 180 ricensione, facenno ca fosse nu 4.2 'e 10.[14] Dint' 'o sito 'e Metacritic mmece, stu film s'è pigliato nu 47 'e 100, cu bbase a 41 ricensiune.[15]
Culonna sonora
'A culonna sonora 'e Fifty Shades of Grey accucchia divierze museciste, Love Me Like You Do 'a Ellie Goulding, è 'o brano princepe r' 'a compilation, addò s'apprisentano 16 canzune, nfra chiste, canzune d' 'e Rolling Stones, Frank Sinatra e Annie Lennox. Beyoncé c'ha fatto dduje mixxe d' 'e canzune Crazy in Love e Haunted apposta p' 'o film. Pe' tramente se tròvano pure Earned It 'e The Weeknd ca fosse 'a culonna sonora pe' ne fà 'e titule 'e cora[16]
Ccà abbascio, se fanno veré 'e tracce d' 'a culonna sonora, ch' 'e divierze artiste:
- I Put A Spell On You (Fifty Shades of Grey) - Annie Lennox
- Undiscovered - Laura Welsh
- Earned It (Fifty Shades Of Grey) - The Weeknd
- Meet Me In The Middle - Jessie Ware
- Love Me Like You Do - Ellie Goulding
- Haunted (Michael Diamond Remix) - Beyoncé
- Salted Wound - Sia
- Beast Of Burden - The Rolling Stones
- I’m On Fire - AWOLNATION
- Crazy In Love (2014 Remix) - Beyoncé
- Witchcraft - Frank Sinatra
- One Last Night - Vaults
- Where You Belong - The Weeknd
- I Know You - Skylar Grey
- Ana And Christian - Danny Elfman
- Did That Hurt? - Danny Elfman