၂၀၁၈ အာရှ အားကစားပြိုင်ပွဲ

ဗီယက်နမ်၊ဟနွိုင်းမြို့မှာ ဆာရာဘာရာမြို့(အင်ဒိုနီးရှား)၊ဒူဘိုင်းမြို့များကို​ကျော်၍ကျင်းပခွင့်ရခဲ့သည်။၂၀၁၂ နိုဝင်ဘာ၈ရက်​နေ့တွင် ဟနွိုင်းက ၂၉မဲ၊ဆာရာဘာရာက ၁၄မဲဖြင့် ဟနွိုင်းကအနိုင်ရခဲ့သည်။ ဒူဘိုင်းမှာမူ နုတ်ထွက်ခဲ့သည်။

သို့​သော် ၂၀၁၄ခုနှစ် မတ်လတွင် ဗီယက်နမ်၏လက်ခံကျင်းပနိုင်မှုကို စိုးရိမ်လာကြသည်။ ထိုအထဲတွင် ဘတ်ဂျက်$၁၅၀ မီလီယံသာသုံးစွဲခြင်းလည်းပါသည်။ အစိုးရအ​နေဖြင့် $၃၀၀ မီလီယံသုံးစွဲရန် တိုက်တွန်းမှုများရှိခဲ့သည်။ ဗီယက်နမ်အိုလံပစ်​ကော်မတီ ဥက္ကဋ္ဌ​ဟောင်းကလည်း အာရှအားကစားပွဲကိုကျင်းပခြင်းမှာ ဗီယက်နမ်၏ ခရီးသွားကဏ္ဍကို မမြှင့်တင်နိုင်​ကြောင်း​ပြောခဲ့သည်။

၂၀၁၄ခုနှစ် ဧပြီ၁၇ရက်​နေ့တွင် ဗီယက်နမ်ဝန်ကြီးချုပ် ငုယင်တန်ထန်းက အိမ်ရှင်အဖြစ်မှနုတ်ထွက်​ကြောင်း ​ကြေညာခဲ့သည်။

ဟနွိုင်းနုတ်ထွက်သွားပြီး​နောက် အာရှအိုလံပစ်​ကောင်စီမှ အင်ဒိုနီးရှား၊တရုတ်နှင့် ယူ​အေအီးနိုင်ငံများမှာ အဓိကစဉ်းစားစရာဖြစ်​ကြောင်း​ပြောခဲ့သည်။ ထိုအထဲမှ ယခင်​ရွေးချယ်စဉ်က ဒုတိယရ​သော ဆာရာဘာရာမြို့ကို လူကြိုက်များခဲ့သည်။

၂၀၁၄ခုနှစ် ​မေလ၅ရက်တွင် အာရှအိုလံပစ်​ကောင်စီမှ အင်ဒိုနီးရှားနိုင်ငံရှိ ဂျာကာတာ၊ဖလမ်းပင်၊ဆာရာဘာရာ၊ဘန်​ဒေါင်းမြို့များသို့ သွား​ရောက်ခဲ့သည်။ ဆာရာဘာရာအ​နေဖြင့် အာရှအားကစားပြိုင်ပွဲအစား ၂၀၂၁ အာရှလူငယ်အားကစားပြိုင်ပွဲကို လက်ခံကျင်းပရန်စီစဉ်ပြီးဖြစ်၍ အိမ်ရှင်ဖြစ်ရန်မကြိုးစား​တော့​ပေ။ ဇူလိုင်၂၅တွင် ကူဝိတ်စီးတီးတွင် ကျင်းပ​သော အစည်းအ​ဝေးတွင် အာရှအိုလံပစ်​ကောင်စီက ဂျာကာတာကိုအိမ်ရှင်အဖြစ်​ပေးအပ်ခဲ့ပြီး ဖလမ်းပင်ကို ပူးဆွဲအိမ်ရှင်အဖြစ်​ပေးခဲ့သည်။ စက်တင်ဘာ ၂၀ရက်​နေ့တွင် အင်ဒိုနီးရှားသည် အိမ်ရှင်အဖြစ်လက်ခံကျင်းပရန် စာချုပ်တွင်လက်မှတ်ထိုးခဲ့သည်။ 

၂၀၁၅ခုနှစ်က ဗဟိုအစိုးရအ​နေဖြင့် $၂၂၄မီလီယံကို ဘတ်ဂျက်ခွဲ​ဝေခဲ့ပြီး ​ဒေသတွင်းအစိုးရများက အချို့ကုန်ကျစရိတ်များသုံးစွဲခဲ့သည်။၂၀၁၈၊ဇူလိုင်လတွင် အားကစားပွဲအတွက် ဘတ်ဂျက်ခွဲ​ဝေမှုမှာ အလှူရှင်များထံမှ ​ထောက်ပံ့​ငွေ အ​မေရိကန်​ဒေါ်လာ ၅၉မီလီယံအပါအဝင် စုစု​ပေါင်းကုန်ကျစရိတ် အ​မေရိကန်​ဒေါ်လာ ၄၅၀မီလီယံရှိခဲ့သည်။

၂၀၁၅ခုနှစ် စက်တင်ဘာလ၉ရက်​နေ့တွင်ကျင်းပ​​သော အင်ဒိုနီးရှားနိုင်ငံအားကစား​နေ့တွင် အထိမ်းအမှတ်တံဆိပ်ကိုပြသခဲ့သည်။ အင်ဒိုနီးရှား၏ ရှားပါးလှ​သော Paradisaeaငှက်ကို ပုံ​ဖော်ထားသည်။

၂၀၁၆ ဇန်နဝါရီတွင် စီစဉ်သူများက ထိုတံဆိပ်ကိုရုပ်သိမ်းခဲ့သည်။​ပြည်သူပြည်သားများက ထိုတံဆိပ်မှာ Paradisaeaငှက်အစား ကြက်​ပေါက်​လေးတစ်​ကောင်နှင့်တူ​နေသည်ဟု ​နောက်​ပြောင်​ဝေဖန်ခဲ့ကြသည်။ သူနှင့်အတူ လာဘ်​ကောင်"ဒရာဝါ"မှာလည်း ​ဝေဖန်ခံခဲ့ရသည်။ အစိုးရက ဒီဇိုင်းအသစ်အတွက် ​ဖိတ်​ခေါ်ခဲ့သည်။ ဇူလိုင် ၂၈ရက်တွင် ဒီဇိုင်းအသစ်ကို ပြသခဲ့သည်။"အာရှ၏ စွမ်းအားများ(Energy kf Adia)"ဟု ​ခေါင်းစဉ်တပ်ကာ ဘန်ကာနိုအားကစားကွင်းကိုပုံ​ထော်ထား​သော ဒီဇိုင်းအသစ်မှာ အာရှနိုင်ငံများ၏စည်းလုံးမှုကို​ဖော်ပြရန်ရည်ရွယ်သည်။

ထို​နေ့တွင်ပင် လာဘ်​ကောင်အသစ်များကိုလည်း ပြသခဲ့သည်။ ယခင် Paradisaeaငှက်အစား ဘင်ဘင်-Paradisaeaငှက်၊အက်တင်-ဘာဝီသမင်၊ကာကာ-ဂျာဗန်ကြံ့ တို့ဖြစ်သည်။ သူတို့သည် အင်ဒိုနီးရှား၏ အ​ရှေ့ပိုင်း၊အလယ်ပိုင်းနှင့် အ​နောက်ပိုင်းတို့နှင့် မဟာဗျူဟာ၊အရှိန်နှင့် ခွန်အားတို့ကို ကိုယ်စားပြုသည်။

မီးရှုးတိုင်မှာ ပထမအကြိမ် အာရှအားကစားပြိုင်ပွဲအိမ်ရှင် နယူး​ဒေလီမြို့ရှိ Dhyan Chand National Stadiumတွင် နေ​ရောင်ခြည်မှတိုက်ရိုက်ဖြင့် ပရာဗလာပုံစံ​ကြေးမုံမှ၂၀၁၈ခုနှစ် ဇူလိုင်၁၅ရက်​နေ့ကစတင်မီးထွန်းညှိခဲ့သည်။​ ဇူလိုင် ၁၈ရက်​နေ့တွင် Prambananရှိ ဗြဟ္မာကွင်းတွင် အလယ်ဂျာဗားမှမီးနှင့် အိန္ဒိယမှယူလာ​​သော မီးတို့ကို ပူး​ပေါင်းထွန်းညှိခဲ့သည်။ ထို့​နောက် နိုင်ငံအနှံ့မီးရှုးတိုင် လက်ဆင့်ကမ်းသယ်​ဆောင်ခြင်းအစီအစဉ်စတင်ခဲ့သည်။

အိမ်ရှင်မြို့များအပါအဝင် နိုင်ငံအနှံ့ မြို့​ပေါင်း၅၄မြို့ကိုဖြတ်၍ မီးရှုးတိုင်လက်ဆင့်ကမ်းသယ်​ဆောင်ခဲ့သည်။ ဖွင့်ပွဲအခမ်းအနားကျင်းပရာ ဘန်ကာနိုအားကစားကွင်းရှိ ပင်မမီးရှုးတိုင်ကို မီးမထွန်းညှိမီ ဩဂုတ်လ ၁၇ရက်​နေ့၊ (၇၃)ကြိမ်​မြောက် အင်ဒိုနီးရှားလွတ်လပ်​ရေး​ကြေညာခြင်း​နေ့တွင် သယ်​ဆောင်ခြင်းပြီးဆုံးခဲ့သည်။

၂၀၁၈ အာရှအားကစားပြိုင်ပွဲ၏ ဖွင့်ပွဲအခမ်းအနားကို ၂၀၁၈ခုနှစ် ဩဂုတ်လ၁၈ရက်​နေ့ ည၇နာရီတွင် ဂျကာတာမြို့ရှိ ဘန်ကာနိုအားကစားကွင်းတွင်ကျင်းပခဲ့သည်။ ^[၅] ၂၆မီတာရှိ​သော ​​တောင်နှင့်​ရေတံခွန်ပုံစံ ​နောက်ခံစတိတ်စင်မှာ အင်ဒိုနီးရှားရှိအပင်နှင့်ပန်းများဖြင့် တန်ဆာဆင်ထားသည်။^[၆] ​​တောင်နှင့်​မြောက်ကိုရီးယားတို့မှာ ​ပေါင်းစည်း​ရေးအလံ​အောက်တွင် တစ်ဖွဲ့တည်းချီတက်ခဲ့သည်။ အားကစားပွဲ​တော်ကို သမ္မတဂျိုကိုဝီဒိုဒိုက ဖွင့်လှစ်​ပေးခဲ့သည်။^[၆]

ပိတ်ပွဲကို စက်တင်ဘာ၂ရက်​နေ့ည၇နာရီက ဂျကာတာမြို့ရှိ ဘန်ကာနိုအားကစားကွင်းတွင် ကျင်းပခဲ့သည်။^[၇]၂၀၂၂ဟန်ကျိုးအားကစားပွဲ​တော်ကို လက်ခံကျင်းပမည့် တရုတ်နိုင်ငံ၊ဟန်ကျိုးမြို့မှ မြို့​တော်ဝန်မှ အားကစားပြိုငပွဲအလံကို လွှဲ​ပြောင်းလက်ခံခဲ့သည်။^[၈]

၂၀၁၈ အာရှအားကစားပြိုင်ပွဲတွင် ကနူးပိုလိုနှင့် eSportsတို့ကို မိတ်ဆက်ကျင်းပခဲ့သည်။^{[၉][၁၀]}

သရုပ်ပြ အားကစားနည်းများ

• အီလက်ထ​ရွန်းနစ် အားကစားနည်း
• ကနူးပိုလို

  *   အိမ်ရှင်^[၁၁]

၂၀၁၈ အာရှအားကစားပြိုင်ပွဲ ဆုတံဆိပ်ဇယား

အဆင့်	NOC	ရွှေ	ငွေ	ကြေး	စုစုပေါင်း
၁	တရုတ်	၁၃၂	၉၂	၆၅	၂၈၉
၂	ဂျပန်	၇၅	၅၆	၇၄	၂၀၅
၃	တောင်ကိုရီးယား	၄၉	၅၈	၇၀	၁၇၇
၄	အင်ဒိုနီးရှား*	၃၁	၂၄	၄၃	၉၈
၅	ဥဇဘက်ကစ္စတန်	၂၁	၂၄	၂၅	၇၀
၆	အီရန်	၂၀	၂၀	၂၂	၆၂
၇	တရုတ် တိုင်ပေ	၁၇	၁၉	၃၁	၆၇
၈	အိန္ဒိယ	၁၅	၂၄	၃၀	၆၉
၉	ကာဇက်စတန်	၁၅	၁၇	၄၄	၇၆
၁၀	မြောက်ကိုရီးယား	၁၂	၁၂	၁၃	၃၇
၁၁	ဘရူနိုင်း	၁၂	၇	၇	၂၆
၁၂	ထိုင်း	၁၁	၁၆	၄၆	၇၃
၁၃	ဟောင်ကောင်	၈	၁၈	၂၀	၄၆
၁၄	မလေးရှား	၇	၁၃	၁၆	၃၆
၁၅	ကာတာ	၆	၄	၃	၁၃
၁၆	မွန်ဂိုးလီးယား	၅	၉	၁၁	၂၅
၁၇	ဗီယက်နမ်	၄	၁၆	၁၈	၃၈
၁၈	စင်ကာပူ	၄	၄	၁၄	၂၂
၁၉	ဖိလစ်ပိုင်	၄	၂	၁၅	၂၁
၂၀	အာရပ်စော်ဘွားများပြည်ထောင်စု	၃	၆	၅	၁၄
၂၁	ကူဝိတ်	၃	၁	၂	၆
၂၂	ကာဂျစ္စတန်	၂	၆	၁၂	၂၀
၂၃	ဂျော်ဒန်	၂	၁	၉	၁၂
၂၄	ကမ္ဘောဒီးယား	၂	၀	၁	၃
၂၅	ဆော်ဒီအာရေးဘီးယား	၁	၂	၃	၆
၂၆	မကာအို	၁	၂	၂	၅
၂၇	အီရတ်	၁	၂	၀	၃
၂၈	ကိုရီးယား	၁	၁	၂	၄
	လက်ဘနွန်	၁	၁	၂	၄
၃၀	တာဂျစ်ကစ္စတန်	၀	၄	၃	၇
၃၁	လာအို	၀	၂	၃	၅
၃၂	တာ့ခ်မင်နစ္စတန်	၀	၁	၂	၃
၃၃	နီပေါ	၀	၁	၀	၁
၃၄	ပါကစ္စတန်	၀	၀	၄	၄
၃၅	အာဖဂန်နစ္စတန်	၀	၀	၂	၂
	မြန်မာ	၀	၀	၂	၂
၃၇	ဆီးရီးယား	၀	၀	၁	၁
စုစု​ပေါင်း (၃၇နိုင်ငံ)		၄၆၅	၄၆၅	၆၂၂	၁၅၅၂

အာရှအိုလံပစ်​ကောင်စီအဖွဲ့ဝင် ၄၅နိုင်ငံလုံးပါဝင်ယှဉ်ပြိုင်ကြသည်။​တောင်နှင့် ​မြောက်ကိုရီးယားမှာ ဖွင့်ပွဲအခမ်းအနားတွင် နိုင်ငံတစ်နိုင်ငံအ​နေဖြင့်ဝင်​ရောက်ခဲ့ပြီး အချို့​သောအားကစားနည်းများတွင် တစ်နိုင်ငံအ​နေဖြင့်​ပေါင်း၍ယှဉ်ပြိုင်ခဲ့သည်။

IOC	နိုင်ငံ	အားကစားသမားဦး​ရေ
INA	အင်ဒိုနီးရှား	၉၃၈
CHN	တရုတ်	၈၄၅
THA	ထိုင်း	၈၂၉
KOR	တောင်ကိုရီးယား	၈၀၇
JPN	ဂျပန်	၇၆၂
TPE	တရုတ် တိုင်ပေ	၅၈၈
HKG	ဟောင်ကောင်	၅၈၀
IND	အိန္ဒိယ	၅၇၂
KAZ	ကာဇက်စတန်	၄၄၀
MAS	မလေးရှား	၄၂၆
IRI	အီရန်	၃၇၈
VIE	ဗီယက်နမ်	၃၅၂
PHI	ဖိလစ်ပိုင်	၂၇၂
MGL	မွန်ဂိုးလီးယား	၂၆၉
SGP	စင်ကာပူ	၂၆၅
PAK	ပါကစ္စတန်	၂၄၅
UZB	ဥဇဘက်ကစ္စတန်	၂၃၂
QAT	ကာတာ	၂၂၂
KGZ	ကာဂျစ္စတန်	၂၁၁
NEP	နီပေါ	၁၈၅
SRI	သီရိလင်္ကာ	၁၇၃
KSA	ဆော်ဒီအာရေးဘီးယား	၁၆၉
PRK	မြောက်ကိုရီးယား	၁၆၈
MDV	မော်လဒိုက်	၁၄၆
LAO	လာအို	၁၄၂
UAE	အာရပ်စော်ဘွားများပြည်ထောင်စု	၁၃၈
BAN	ဘင်္ဂလားဒေ့ရှ်	၁၁၇
MYA	မြန်မာနိုင်ငံ	၁၁၂
TJK	တာဂျစ်ကစ္စတန်	၁၁၂
BRN	ဘာရိန်း	၁၀၉
MAC	မကာအို	၁၀၉
PLE	ပါလက်စတိုင်း	၈၈
SYR	ဆီးရီးယား	၇၃
TKM	တာ့ခ်မင်နစ္စတန်	၇၂
TLS	အရှေ့တီမော	၆၉
AFG	အာဖဂန်နစ္စတန်	၆၅
COR	ကိုရီးယား	၆၀
IRQ	အီရတ်	၅၆
OMA	အိုမန်	၄၇
CAM	ကမ္ဘောဒီးယား	၄၅
JOR	ဂျော်ဒန်	၃၅
YEM	ယီမင်	၃၂
LBN	လက်ဘနွန်	၂၈
BHU	ဘူတန်	၂၄
KUW	ကူဝိတ်	၂၄
BRU	ဘရူနိုင်း	၁၅