ဂျောင်ဟယ်အင်း

၂၁ နှစ်သားတွင် စစ်မှုထမ်းဆောင်ခဲ့သည်။ ပထမဆုံးသရုပ်ဆောင် အတွေ့အကြုံမှာ ကောလိပ်ရှိ တေးဂီတပွဲတွင် ဖြစ်ကာ၊ သရုပ်ဆောင်တယောက် ဖြစ်လာရန် စိတ်ဆုံးဖြတ်လိုက်သည်မှာ စစ်မှုထမ်းဆောင်စဉ် ဖြစ်ပြီး သူ့ရည်မှန်းချက် အောင်မြင်ရန် ၁၂ ကီလို အလေးချိန် ချခဲ့သည်။^[၄] စစ်ဘက်နှင့် ကောလိပ်မှ ဘွဲ့ရပြီးနောက်တွင် သူ၏ အေဂျင်စီနှင့် စာချုပ် ချုပ်ဆိုခဲ့သည်။^[၅][၆] ၂၆ နှစ်တွင် ပွဲဦးထွက်သည်။

ဂျောင် ပထမဆုံး တရားဝင် ပွဲဦးထွက်သည့် ရုပ်သံမှာ ရာစုနှစ်သတို့သမီး(၂၀၁၄) ဖြစ်ပြီး၊ ၎င်းနောက် "လူငယ်" ရုပ်ရှင်တွင် ပါဝင်သည်။^[၇][၈] ထိုနှစ်ထဲမှာပင် ရာဇဝင်ကားဖြစ်သော သူရဲကောင်းသုံးဦးတွင် ရိုက်ကူးသည်။ ထို့နောက် ၂၀၁၄-၂၀၁၆ ကြား ရုပ်ရှင်ရုပ်သံ အမျိုးမျိုးတို့၌ ဧည့်သရုပ်ဆောင်အဖြစ် ကျရာဇာတ်ရုပ်၌ ပါဝင်သည်။ မှတ်မှတ်သားသား ဖြစ်ရသော ဇာတ်ရုပ်မှာ အစောင့်အရှောက်၊ အထီးကျန်နတ်ကြီး၌ ကင်ဂိုအွန်၏ အချစ်ဦးအဖြစ် သရုပ်ဆောင်ရခြင်းပင် ဖြစ်သည်။

၂၀၁၇ တွင် အက်စ်ဘီအက်စ် ၏ စိတ်ကူးယဉ်အချစ် ဇာတ်လမ်းတွဲ မင်းတို့အိပ်ပျော်နေခဲ့တုန်းက ၌ တရှိန်ထိုး လူကြိုက်များလာသည်။ ထိုဇာတ်လမ်းတွဲ စပြနေချိန်၌ ကိုရီးယား ရှာဖွေရေးဆိုက် ဖြစ်သော နေဗာတွင် အရှာခံရဆုံး နံပါတ်တစ် ဖြစ်လာသည်။^[၉] ထိုနှစ်မှာပင် ရာဇဝင်ကား နှစ်ကားလည်း ရိုက်ကူးသည်။ ၎င်းနောက် ရုပ်သံဟာသ ပွေလီထောင်တွင် ပါဝင်သည်။^[၁၀]

၂၀၁၈ တွင် ဂျောင်သည် ရာဇဝင်ကား ဟောင်းဘူတော်လှန်ရေးသမားများ တွင် ဘုရင် ဟွန်ဂျုန်းအဖြစ် သရုပ်ဆောင်ထားသည်။ ဆွန်ရယ်ဂျင်းနှင့်အပြိုင် မိုးခါးရေ ရုပ်သံဇာတ်လမ်းတွဲ၌ ခေါင်းဆောင်မင်းသားအဖြစ် ပထမဦးဆုံး ပါဝင်လာသည်။^{[၁၁][၁၂]} ထိုရုပ်သံ ပြသနေချိန်၌၊ ဂျောင်သည် အာရှတလွှား လူသိများ ကျော်ကြားလာပြီ ဖြစ်သည်။^[၁၃]

ဂျောင်ဟယ်အင်းနှင့် အဘီတော်သူသည် ဂျိုဆွန်းခေတ်နှောင်းပိုင်း၏ ကြီးကျယ်သော တွေးခေါ်ပညာရှင် ဂျုံးယကျုံ ဖြစ်သည်။^[၁၄] ပြုံးတက် တက္ကသိုလ်မှ ရုပ်သံလွှင့်ဖျော်ဖြေရေးဘွဲ့ ရရှိပြီး၊ တက္ကသိုလ်တွင် ဂီတပြဇာတ်များ၌ လှုပ်ရှားမှုအမျိုးမျိုးတွင် ပါဝင်ခဲ့သည်။^{[၁၅][၁၆]}

ဂျောင်သည် မင်းတို့အိပ်ပျော်နေခဲ့တုန်းက ဇာတ်လမ်းတွဲ သရုပ်ဆောင်စဉ် တွဲဖက်သရုပ်ဆောင်များ ဖြစ်သော လီဂျုန်ဆွတ်နှင့် ရှင်းဂျယ်ဟာတို့နှင့် ခင်မင်ရင်းနှီးသော သူငယ်ချင်းများ ဖြစ်သွားသည်။^{[၁၇][၁၈]}

• Jung Hae-in at FNC Entertainment
• ဂျောင်ဟယ်အင်း at HanCinema
• အိုင်အမ်ဒီဘီပေါ်ရှိ ဂျောင်ဟယ်အင်း