९१वे ऑस्कर पुरस्कार

अ‍ॅकेडमी ऑफ मोशन पिक्चर आर्ट्स अँड सायन्सेस (एएमपीएएस) द्वारा सादर केलेल्या ९१ व्या ॲकॅडमी अवॉर्ड सोहळ्याने २०१८ च्या सर्वोत्कृष्ट चित्रपटांचा गौरव केला. कॅलिफोर्नियाच्या लॉस एंजेलसच्या हॉलिवूडमधील डॉल्बी थिएटरमध्ये हा कार्यक्रम संपन्न झाला. हा सोहळा २४ फेब्रुवारी २०१९ रोजी आयोजित करण्यात आला होता. या समारंभात एएमपीएएसने अकादमी पुरस्कार (सामान्यत: याला ऑस्कर म्हणून ओळखले जाते) २४ प्रकारात सादर केले. डोना गिग्लियॉटी आणि ग्लेन वेस निर्मित अमेरिकन ब्रॉडकास्टिंग कंपनी (एबीसी) द्वारे अमेरिकेत हा सोहळा दूरदर्शनवर प्रकाशित झाला होता, तसेच वेस दिग्दर्शक म्हणूनही काम करत होते. ^[४] १९८९ मध्ये ६१ व्या ॲकॅडमी अवॉर्ड्सनंतर यजमानविना आयोजित केलेला हा पहिलाच सोहळा होता.

संबंधित कार्यक्रमांमध्ये, अकादमीने १८ नोव्हेंबर २०१८ रोजी हॉलीवूड अँड हाईलँड सेंटरच्या ग्रँड बॉलरूममध्ये आपला १० वा वार्षिक गव्हर्नर पुरस्कार सोहळा आयोजित केला. ^[५] ॲकॅडमी सायंटिफिक अँड टेक्निकल अवॉर्ड्स ९ फेब्रुवारी २०१९ रोजी बेव्हरली हिल्समधील बेव्हरली विल्शायर हॉटेलमध्ये एका समारंभात यजमान डेव्हिड ओयलोवो यांच्या हस्ते प्रदान करण्यात आले. ^[६]