Dhoni is the only captain to win all icc trophies क्रिकेट संघाचा कर्णधार बहुदा स्कीपर म्हणून उल्लेखला जातो.^[२]. एक नियमीत खेळाडूपेक्षा कर्णधाराच्या खांद्यावर एक नायक म्हणून बऱ्याच अतिरीक्त भूमिका आणि जबाबदाऱ्या पार पाडाव्या लागतात. इतर खेळांप्रमाणेच, कर्णधार हा सहसा एक अनुभवी, चांगले संवाद कौशल्य असलेला, आणि संघामध्ये नियमीत असलेला खेळाडू असतो. संघनिवडीमध्ये कर्णधाराचे मत महत्त्वाचे असते. सामन्याच्याआधी कर्णधार नाणेफेक करतो. सामन्याच्या दरम्यान फलंदाजीची क्रमवारी लावण्याचा निर्णय कर्णधाराचा असतो, तसेच प्रत्येक षटक कोणता गोलंदाज करेल, आणि क्षेत्ररक्षकांच्या जागा ठरवण्याची जबाबदारी सुद्धा कर्णधाराची असते. कर्णधाराचे निर्णय अंतिम असला तरीही, हे निर्णय सहसा सर्वसंमतीने घेतलेले असतात. कर्णधाराला क्रिकेट विषयीच्या धोरणामधील गुंतागुंतीचे असलेले ज्ञान, त्याचा धूर्तपणा आणि मुत्सदेपणा यावर संघाचे यश बऱ्याच अंशी अवलंबून असते.

काही देश वेगळ्या स्वरूपाच्या खेळासाठी वेगवेगळे कर्णधार निवडण्याचा पर्याय अवलंबतात. मुशफिकूर रहिम (डावीकडे) बांगलादेशचा कसोटी कर्णधार, आणि मशरफे मोर्तझा (उजवीकडे) त्यांचा एकदिवसीय व टी२० कर्णदार.

मैदानावर मोठे निर्णय घेणे गरजेचे असल्याने, इतर खेळांच्या तुलनेत क्रिकेट कर्णधाराच्या खांद्यावर खूपच जास्त जबाबदारीचे ओझे असते. ^[३]