Алшаа аймаг
Алшаа аймаг (мо.б. 
alaša ayimaɣ; Хятад: 阿拉善盟 Ālāshàn Méng) — БНХАУ-ын Өвөр Монголын ӨЗО-ы аймаг. Засгийн газар нь Баянхот балгасанд байрладаг.
Алшаа аймаг 阿拉善盟 • ᠠᠯᠠᠱᠠ ᠠᠶᠢᠮᠠᠭ | |
|---|---|
 | |
.svg) Өвөр Монгол дахь Алшаа аймаг | |
| Улс |  Бүгд Найрамдах Хятад Ард Улс |
| Өөртөө засах орон | Өвөр Монгол |
| Аймгийн төв | Алшаа зүүн хошуу (Баянхот) |
| Газар нутаг | |
| • Нийт | 267,574 км2 (103,311 бээр2) |
| Хүн ам (2010) | |
| • Нийт | 231,334 |
| • Нягтрал | 0.86/км2 (2.2/бээр2) |
| Цагийн бүс | UTC+8 (Хятадын Стандарт) |
| Бүсийн дугаар | +86 483 |
| ISO 3166 код | CN-NM-29 |
| Вэб сайт | www |
| Алшаа аймаг | |||||||
|---|---|---|---|---|---|---|---|
| Хятад нэр | |||||||
| Хятад хэл | 阿拉善盟 | ||||||
| |||||||
| Монгол нэр | |||||||
| Монголын Кирилл | Алшаа аймаг | ||||||
| Монгол бичиг | ᠠᠯᠠᠱᠠ ᠠᠶᠢᠮᠠᠭ | ||||||
| |||||||
Нутаг дэвсгэр - 267,574 км², хүн амын тоо - 196,279 (2000 оны тооллого).
Газарзүй
Алшаа аймаг 267.574 км² талбайтайгаараа Өвөр Монголд хамгийн том засаг захиргааны нэгж юм. Ихэнх нутаг нь говь, цөл байдаг. Энд Тэнгэр, Бадайн жаран, Улаанбух зэрэг элсэн цөл байж, нутгийн умард хэсэг Говийн өмнөд хэсэг болдог. Аймгийн баруун хэсгээр байх Эзнээ гол, Гашуун нуур, Сов нуур зэргийг онцлож болно. Аймгийн зүүн болон өмнөд талаар Алшаа уул мэтийн уулстай.
Алшаа аймаг ӨМӨЗО-ы хотуудтай зүүн талаараа, Ганьсү мужтай баруунаараа, Ниншя - Хотонгийн ӨЗО-тэй баруун урд талаараа хаяа залгадаг бол хойд талаараа Монгол улстай (Өмнөговь, Баянхонгор, Говь-Алтай) БНХАУ-г төлөөлж хиллэдэг.
Эрдэс баялаг
Алшаад 86 төрлийн (ӨМӨЗО-д олдсон эрдсийн 71.67%-тай тэнцэх) 416 орд газрыг нээжээ. Үүнээс 40 төрлийнхийг одоогоор олборлож, дахин 14-ийнх нь хэрэглэх боломжийг судлан бэлтгэж байгаа.[1]
Засаг захиргааны хуваарь
Алшаа аймаг дотроо 3 хошуунд хуваагддаг.
| # | Монгол нэрийдэл (кирилээр) | Монгол нэрийдэл (монголоор) | Хятад нэрийдэл (ханзаар) | Хүн ам (2004) | Нутаг дэвсгэр (км²) | Нягтшил (хүн/км²) | Засаг захиргааны төв |
|---|---|---|---|---|---|---|---|
| 1 | Алшаа зүүн хошуу |  | 阿拉善左旗 | 140,000 | 80,412 | 2 | Баянхот |
| 2 | Алшаа баруун хошуу |  | 阿拉善右旗 | 20,000 | 72,556 | <1 | Эхэнхудаг |
| 3 | Эзнээ хошуу |  | 额济纳旗 | 20,000 | 114,606 | <1 | Далайхөв |
Хүн ам
2000 онд тус аймагт 196,279 хүн оршин суудаг гэж бүртгэгджээ. Үүнээс үзвэл Өвөр Монголын хамгийн цөөн хүн амтай хоёрдугаар түвшний нэгж (аймаг эсвэл тойргийн энтэй хот) юм. Олонх нь Хятад үндэстэн, цөөнхөөс 44,630 (22.74%) Монгол үндэстэн байдаг аж. Алшаа зүүн, баруун хошуунд Хошууд ястан, Эзнээ хошуунд Торгууд ястан Монголчуудын цөм нь болдог.
| Ард түмэн | Хүний тоо | Эзлэх хувь |
|---|---|---|
| Хятад үндэстэн | 140,900 | 71,79 % |
| Монгол үндэстэн | 44,630 | 22,74 % |
| Хотон үндэстэн | 9,331 | 4,75 % |
| Манж | 952 | 0,49 % |
| Төвөд | 146 | 0,07 % |
| Цагаан Монгол (Монгор) | 68 | 0,03 % |
| Дагуур | 67 | 0,03 % |
| бусад | 185 | 0,09 % |
Зүүлт
Цахим холбоос
- Алшаа аймгийн засаг захиргааны албан ёсны цахим сүлжээ (хятад хэл, ханз үсгээр)
- Солонго сүлжээ - Алшаа аймгийн газрын зураг[permanent dead link] (монгол хэл, монгол үсгээр)
- Даяар Монгол сүлжээ - На.Сүхбаатар: Өмнөд хилийн цаадах Монголчуудын тухай. Өдрийн сонин №297(3374). 2009.12.11