വനമാല

1951-ൽ പുറത്തിറങ്ങിയ മലയാളചലച്ചിത്രമാണു് വനമാല^[1]. മലയാളത്തിലെ ആദ്യ വന ചിത്രമാണിത്. അക്കാലത്ത് നിരവധിയായി പുറത്തിറങ്ങിയ ടാർസൻ സിനിമകളുടെ സ്വാധീനമായിരുന്നു ഈ ചിത്രത്തിന്റെ പിറവിക്കു പിന്നിൽ.^[2] ഇതിന്റെ കഥയും - സംവിധാനവും നിർവ്വഹിച്ചതു് ജി. വിശ്വനാഥൻ ആണു്. ചിത്രത്തിന്റെ നിർമ്മാണം വീക്കോ സ്വാമി, ചന്ദ്രുസ്വാമിഎന്നിവർ ചേർന്നാണു്. സംഭാഷണം മുൻഷി പരമുപിള്ള ആയിരുന്നു. പി.എസ്. ദിവാകറിന്റെ സംഗീതത്തിനു് കുഞ്ഞുകൃഷ്ണമേനോൻ ഗാനങ്ങൾ രചിച്ചു. ആലാപനം മെഹബൂബ്,ജിക്കി, എ എം രാജ എന്നിവർ ആയിരുന്നു. ജൂൺ 9നാണ് ചിത്രം റിലീസ് ചെയ്തത്.