നേപ്പാളി ഭാഷ

നേപ്പാളി എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ നേപ്പാളി (വിവക്ഷകൾ) എന്ന താൾ കാണുക.

നേപ്പാൾ, ഭൂട്ടാൻ എന്നിവിടങ്ങളിലും ഇന്ത്യയിൽ സിക്കിം(3,38,606), പശ്ചിമ ബംഗാൾ(10,22,725),ആസ്സാം(5,64,790), ഉത്തർപ്രദേശ്(2,63,982) എന്നിവിടങ്ങളിലും സംസാരിക്കപ്പെടുന്ന ഇന്തോ-ആര്യൻ കുടുംബത്തിൽ‌പ്പെട്ട ഭാഷയാണ്‌ നേപ്പാളി ഭാഷ^[2]. ലോകമെമ്പാടുമായി 1,72,09,255 പേർ മാതൃഭാഷയായി സംസാരിക്കുന്ന ഈ ഭാഷ നേപ്പാളിലെ പ്രധാനഭാഷയും 1,10,53,255 പേരുടെ സംസാരഭാഷയുമാണ്‌ ^[3]. ദേവനാഗരി ലിപിയിൽ‌ എഴുതപ്പെടുന്ന ഈ ഭാഷക്ക് ഗൂർക്കാലി(ഗൂർഖകളുടെ ഭാഷ), പർവ്വതീയ(പർവ്വതപ്രദേശത്തെ ഭാഷ), ഖാസ്‌കുര (കർണാലി-ഭേരി നദീതടത്തിലെ ഖാസ് വംശജരുടെ ഭാഷ) എന്നീ അപരനാമങ്ങളുമുണ്ട്‌.