ഹോളി ഫാമിലി വിത്ത് സെയിന്റ് കാതറിൻ ഓഫ് അലക്സാണ്ട്രിയ

1533-ൽ ലോറൻസോ ലോട്ടോ ചിത്രീകരിച്ച ഒരു പാനൽ എണ്ണഛായാചിത്രമാണ് ഹോളി ഫാമിലി വിത്ത് സെയിന്റ് കാതറിൻ ഓഫ് അലക്സാണ്ട്രിയ. ഇപ്പോൾ ഈ ചിത്രം ബെർഗാമോയിലെ കാരാര അക്കാദമിയിൽ സംരക്ഷിച്ചിരിക്കുന്നു. 85.7 സെന്റിമീറ്റർ ഉയരവും 110.8 സെന്റിമീറ്റർ വീതിയും അളവുകളുള്ള ഈ ചിത്രത്തിൽ "ലോറൻഷ്യസ് ലോട്ടസ് 1533" എന്ന് തീയതി രേഖപ്പെടുത്തി ഒപ്പിട്ടിരിക്കുന്നു. ^[1]ഈ ചിത്രത്തിന്റെ ആറ് പകർപ്പുകൾ ഉള്ളതായി അറിയപ്പെടുന്നു.^[2]ബെർഗാമോ പതിപ്പ് അസാധാരണമായ ഗുണനിലവാരമുള്ളതും ആദ്യകാലത്തേതുമാണെന്ന് കണ്ടെത്തിയിരുന്നു. ^[3][4]

1533-ൽ ഏഴ് വർഷം മാർഷെയിൽ സ്ഥിരതാമസമാക്കാൻ വെനീസ് ഉപേക്ഷിച്ച വർഷം ലോട്ടോ ഈ ചിത്രം വരച്ചു.^[3]ഒരു പള്ളിയിലെ ഒരു ബലിപീഠമെന്നതിലുപരി ഒരു സ്വകാര്യ ചാപ്പലിനായി ഈ ചിത്രം ചിത്രീകരിച്ചു.1829-ൽ ഗുഗ്ലിയൽമോ ലോച്ചിസ് ഈ ചിത്രം ഏറ്റെടുത്തു. ^[5] ചിത്രത്തിന്റെ വ്യത്യസ്ത പതിപ്പുകളുടെ എണ്ണം കാരണം മുമ്പത്തെ തെളിവോ രക്ഷാധികാരിയോ തിരിച്ചറിയാൻ പ്രയാസമാണ്.^[4]