ഹാൻഡ് സാനിറ്റൈസർ
കൈകളിലൂടെ പകരാൻ സാധ്യതയുള്ള രോഗകാരികളെ നശിപ്പിക്കുന്നതിനോ അല്ലെങ്കിൽ അവയുടെ എണ്ണം പൊതുവെ കുറയ്ക്കുന്നതിനോ ഉപയോഗിക്കുന്ന ഒരു ദ്രാവകം അല്ലെങ്കിൽ ജെൽ ആണ് ഹാൻഡ് സാനിറ്റൈസർ(Hand sanitizer).[1] ആരോഗ്യസംരക്ഷണ ക്രമീകരണത്തിലെ മിക്ക സാഹചര്യങ്ങളിലും, സോപ്പും വെള്ളവും ഉപയോഗിച്ചോ ആൽക്കഹോൾ അടിസ്ഥാനമാക്കിയുള്ള പദാർത്ഥങ്ങൾ ഉപയോഗിച്ചോ അണുനശീകരണം നടത്താം.[2] [3] ആൽക്കഹോൾ സാധാരണയായി സൂക്ഷ്മാണുക്കളെ നശിപ്പിക്കുന്നതിൽ കൂടുതൽ ഫലപ്രദമാണ്.[4]
ആൽക്കഹോൾ അടിസ്ഥാനമാക്കിയുള്ള സാനിറ്റൈസറുകളിൽ സാധാരണയായി ഐസോപ്രോപൈൽ ആൽക്കഹോൾ, എത്തനോൾ എന്നിവ അടങ്ങിയിരിക്കുന്നു . 60 മുതൽ 95% വരെ ആൽക്കഹോൾ അടങ്ങിയിരിക്കുന്നവ ഏറ്റവും ഫലപ്രദമാണ്. അവ കത്തുന്നതുകൊണ്ട് ഉപയോഗിക്കുമ്പോൾ ശ്രദ്ധിക്കണം.[2] ആൽക്കഹോൾ അടിസ്ഥാനമാക്കിയുള്ള ഹാൻഡ് സാനിറ്റൈസർ പലതരം സൂക്ഷ്മാണുക്കൾക്കെതിരെ പ്രവർത്തിക്കുന്നു, പക്ഷേ സ്പോറുകൾ നശിപ്പിക്കപ്പെടില്ല.[4] ആൽക്കഹോൾ അടിസ്ഥാനമാക്കിയുള്ള സാനിറ്റൈസറുകളിൽ ബെൻസാൽകോണിയം ക്ലോറൈഡ് അല്ലെങ്കിൽ ട്രൈക്ലോസൻ അടങ്ങിയിരിക്കാം. [5] [6]
ഉപയോഗങ്ങൾ
യുഎസ് സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) നടത്തിയ ക്ലീൻ ഹാൻഡ്സ് കാമ്പെയ്ൻ പൊതുജനങ്ങൾക്ക് കൈ കഴുകൽ നിർദ്ദേശിക്കുന്നു. സോപ്പും വെള്ളവും ലഭ്യമല്ലെങ്കിൽ മാത്രം ആൽക്കഹോൾ അടിസ്ഥാനമാക്കിയുള്ള ഹാൻഡ് സാനിറ്റൈസർ ശുപാർശ ചെയ്യുന്നു.[7]
ആൽക്കഹോൾ അടിസ്ഥാനമാക്കിയുള്ള ഹാൻഡ് സാനിറ്റൈസർ ഉപയോഗിക്കുമ്പോൾ:
- ഒരു കൈപ്പത്തിയിൽ ഉൽപ്പന്നം പ്രയോഗിക്കുക.
- കൈകൾ ഒന്നിച്ച് തടവുക.
- കൈകൾ വരളുന്നതുവരെ കൈകളുടെയും വിരലുകളുടെയും എല്ലാ ഉപരിതലങ്ങളിലും ഉൽപ്പന്നം തടവുക.[7]
ആരോഗ്യസംരക്ഷണ ക്രമീകരണത്തിലെ മിക്ക സാഹചര്യങ്ങളിലും സോപ്പും വെള്ളവും ഉപയോഗിച്ച് കൈ കഴുകുന്നതിനേക്കാൾ ആൽക്കഹോൾ അടിസ്ഥാനമാക്കിയുള്ള ഹാൻഡ് സാനിറ്റൈസർ കൂടുതൽ സൗകര്യപ്രദമാണ്.[2] ഇത് സാധാരണയായി സൂക്ഷ്മാണുക്കളെ നശിപ്പിക്കുന്നതിൽ സോപ്പിനേക്കാളും വെള്ളത്തേക്കാളും കൂടുതൽ ഫലപ്രദമാണ്.[4] ടോയ്‌ലറ്റിന്റെ ഉപയോഗശേഷം നിർബന്ധമായും കൈ കഴുകൽ നടത്തണം.[8]
നിർമ്മാണം
പ്രാദേശികമായി ലഭ്യമായ രാസവസ്തുക്കളിൽ നിന്ന് ഹാൻഡ് സാനിറ്റൈസർ ഉത്പാദിപ്പിക്കുന്നതിനുള്ള ഒരു ഗൈഡ് ലോകാരോഗ്യ സംഘടന പ്രസിദ്ധീകരിച്ചു. വാണിജ്യപരമായി ഉൽ‌പാദിപ്പിക്കുന്ന ഹാൻഡ് സാനിറ്റൈസർ ലഭ്യമല്ലാത്ത സാഹചര്യങ്ങളിൽ അത്തരം ഹാൻഡ് സാനിറ്റൈസർ ഉപയോഗിക്കാം. ഈ ഗൈഡ് അനുസരിച്ച്, 10 ലിറ്റർ ഹാൻഡ് സാനിറ്റൈസർ ഉൽ‌പാദിപ്പിക്കുന്നതിന്, ഇനിപ്പറയുന്നവ ചേർക്കുന്നു:
- 8333 മില്ലി 96% എത്തനോൾ, 417 മില്ലി 3% ഹൈഡ്രജൻ പെറോക്സൈഡ് , 145 മില്ലി 98% ഗ്ലിസറോൾ അല്ലെങ്കിൽ:
- 99.8% ഐസോപ്രോപൈൽ ആൽക്കഹോൾ 7515 മില്ലി, 3% ഹൈഡ്രജൻ പെറോക്സൈഡിന്റെ 417 മില്ലി, 98% ഗ്ലിസറോളിന്റെ 145 മില്ലി. [9]
ശസ്ത്രക്രിയ - കൈ അണുവിമുക്തമാക്കൽ
ഏതെങ്കിലും ശസ്ത്രക്രിയയ്‌ക്ക് മുമ്പായി കൈകൾ അണുവിമുക്തമാക്കണം, ഇതിന്, മൃദുവായ സോപ്പ് ഉപയോഗിച്ച് കൈ കഴുകുകയും തുടർന്ന് ഒരു സാനിറ്റൈസർ ഉപയോഗിച്ച് കൈകൊണ്ട് തടവുകയും വേണം. കൈയുടെ ഉപരിതലത്തിൽ എല്ലായിടത്തും ആന്റിസെപ്റ്റിക് പ്രയോഗിക്കുന്നുണ്ടെന്ന് ഉറപ്പുവരുത്തുന്നതിനായി നിർദ്ദിഷ്ട ഹാൻഡ്-റബ്ബിംഗ് ടെക്നിക്കുകൾ ചെയ്യുന്നു. [10]
ആൽക്കഹോൾരഹിത സാനിറ്റൈസർ
ചില ഹാൻഡ് സാനിറ്റൈസർ ഉൽപ്പന്നങ്ങളിൽ പോവിഡോൺ-അയഡിൻ, ബെൻസാൽക്കോണിയം ക്ലോറൈഡ് അല്ലെങ്കിൽ ട്രൈക്ലോസൻ പോലുള്ള ആൽക്കഹോൾരഹിത ഘടകങ്ങൾ ഉപയോഗിക്കുന്നു. [4]
ഉത്പാദനം
ഹാൻഡ് സാനിറ്റൈസർ നിർമ്മാണത്തിനായി 2010 ൽ ലോകാരോഗ്യ സംഘടന ഒരു ഗൈഡ് നിർമ്മിച്ചു, ഇത് 2019–20 കൊറോണ വൈറസ് പകർച്ചയുടെ പശ്ചാത്തലത്തിൽ കൂടുതൽ ശ്രദ്ധേയത നേടി. [9]
അവലംബം
- "Executive Summary: National Stakeholders Meeting on Alcohol-Based Hand-Rubs and Fire Safety in Health Care Facilities". American Hospital Association, Co-Hosted by the U.S. Centers for Disease Control & Prevention (CDC) and AHA. July 22, 2003. Archived from the original on 2008-03-08.
- Marie Hartley (2010). "Hand rub". DermNet NZ.