ഹദീഥ് നിവേദകരുടെ ജീവചരിത്ര വിശകലനം

ഹദീഥ് നിവേദകരുടെ വിശ്വാസ്യതയെക്കുറിച്ച പഠനത്തിന്റെ പ്രാധാന്യം വളരെ വലുതാണെന്ന് പ്രശസ്ത ഹദീഥ് വിദഗ്ദൻ ഇബ്ൻ അൽ സലാഹ് തന്റെ ഇൻട്രൊഡക്ഷൻ ടു ദ സയൻസ് ഓഫ് ഹദീഥ് എന്ന അദ്ദേഹത്തിന്റെ ഗ്രന്ഥത്തിൽ വിലയിരുത്തുന്നുണ്ട്^[4]. സാധാരണഗതിയിൽ അനുവദനീയമല്ലാത്ത വ്യക്തിവിമർശനങ്ങൾ പോലും നിവേദകരുടെ കാര്യത്തിൽ ആകാമെന്ന് അദ്ദേഹം വിശദീകരിക്കുന്നു^[4]. ശരീഅത്തിന്റെ പരിപാലനവും തെറ്റായ വിവരങ്ങളിൽ നിന്ന് അതിന്റെ സ്രോതസ്സുകളെ സംരക്ഷിക്കുന്നതിനും ഇത്തരം വിമർശനങ്ങൾ അനിവാരമാണെന്ന് പൊതുവെ വിശ്വസിക്കപ്പെടുന്നു^[3].