സ്പ്രിങ്, സമ്മർ, ഫാൾ, വിന്റർ... ആന്റ് സ്പ്രിങ്

സ്പ്രിങ്, സമ്മർ, ഫാൾ, വിന്റർ... ആന്റ് സ്പ്രിങ്
Spring, Summer, Fall, Winter... and Spring
സ്പ്രിങ്, സമ്മർ, ഫാൾ, വിന്റർ... ആന്റ് സ്പ്രിങ് ; Spring, Summer, Fall, Winter... and Spring
സംവിധാനം	കിം കി ഡുക്
നിർമ്മാണം	Karl Baumgartner; Lee Seung-jae
രചന	കിം കി ഡുക്
അഭിനേതാക്കൾ	Su Oh-yeong; Kim Young-min; Seo Jae-kyung; Kim Jong-ho; Ha Yeo-jin
വിതരണം	Cineclick Asia
റിലീസിങ് തീയതി	സെപ്റ്റംബർ 19, 2003
രാജ്യം	ദക്ഷിണ കൊറിയ
ഭാഷ	കൊറിയൻ
സമയദൈർഘ്യം	103 മിനിറ്റ്
ആകെ	$9,524,745

ദക്ഷിണ കൊറിയൻ ചലച്ചിത്ര സം‌വിധായകനായ കിം കി ഡുക് സംവിധാനം ചെയ്ത 2003 ലെ പ്രശസ്തമായ ചലച്ചിത്രമാണു് സ്പ്രിങ്, സമ്മർ, ഫാൾ, വിന്റർ... ആന്റ് സ്പ്രിങ്.^[1] മനുഷ്യ ജീവിതത്തിന്റെ വളർച്ചാഘട്ടങ്ങളെ ഒരു സെൻ ബുദ്ധിസ്റ്റിന്റെ കാഴ്ചപ്പാടിൽ ചിന്താപരമായി വിശകലനം ചെയ്യുന്ന ഒരു സിനിമയാണിത്. പ്രിസ്റ്റിൻ വനപ്രദേശത്തെ വിശാലമായ തടാകത്തിൽ പൊങ്ങിക്കിടക്കുന്ന ഒരു ബുദ്ധ ഭിക്ഷുവിന്റെ വിഹാരത്തിലാണു കഥ നടക്കുന്നത്.ഒരു ബുദ്ധ ഭിക്ഷു അദ്ദേഹത്തിന്റെ ചെറുപ്പം മുതൽ ആത്മജ്ഞാനം നേടുന്നതുവരെ കടന്നു പോകുന്ന കാലങ്ങൾ ഋതുക്കളിലൂടെ പറയുകയാണിവിടെ.^[2] സംവിധായകനായ കിം കി ഡുക് തന്നെയാണു സിനിമയിൽ അവസാന ഭാഗത്ത് മുതിർന്ന ഭിക്ഷുവായി അഭിനയിക്കുന്നതും.

കഥാസംഗ്രഹം

അഞ്ചു ഭാഗങ്ങളായാണു സിനിമ വിഭജിച്ചിരിക്കുന്നത്. ചാക്രികമായ ഋതുക്കളിലൂടെയാണു കഥ പുരോഗമിക്കുന്നത്. ജീവിതം പോലെ സന്തോഷത്തിന്റെ വസന്തകാലമായ ബാല്യത്തിൽ സിനിമ ആരംഭിക്കുന്നു.^[3]