വീണാ ജോർജ്ജ്
പതിനാല്, പതിനഞ്ച് നിയമസഭകളിലെ അംഗവും രണ്ടാം പിണറായി സർക്കാറിലെ ആരോഗ്യം, വനിത ശിശു വികസന വകുപ്പ് എന്നീ വകുപ്പുകളുടെ ചുമതലയുള്ള മന്ത്രിയുമാണ് വീണ ജോർജ്ജ്. കേരളത്തിൽ ഒരു വാർത്താ ചാനലിന്റെ എക്സിക്യൂട്ടീവ് എഡിറ്ററാകുന്ന ആദ്യ വനിതയാണ് വീണ. കൊച്ചിൻ ചേമ്പർ ഓഫ് കൊമേഴ്സിന്റെ ഉമടസ്ഥതയിൽ തുടങ്ങിയ ടിവി ന്യൂ എന്ന ചാനലിലൂടെയാണ്, വീണ ഈ സ്ഥാനത്തെത്തുന്നത്. കൈരളി ചാനലിലൂടെയാണ് വീണ ടെലിവിഷൻ ജേർണലിസം ആരംഭിച്ചത്. തുടർന്ന് ഇന്ത്യാവിഷൻ ചാനലിന്റെ ഡെപ്യൂട്ടി ന്യൂസ് എഡിറ്റർ വരെയായി ഉയർന്നു. റിപ്പോർട്ടർ ടിവി തുടങ്ങിയപ്പോൾ മുതൽ അവിടെയും വാർത്താവതാരകയായി വീണ ഉണ്ടായിരുന്നു. അവിടെ നിന്നു മനോരമ ന്യൂസിലേക്കു ചുവടുമാറ്റിയ വീണ ടിവി ന്യൂ തുടങ്ങിയപ്പോൾ അതിന്റെ അമരക്കാരിയായി എത്തുകയായിരുന്നു. 2016, 2021 വർഷങ്ങളിലെ നിയമസഭാ തെരഞ്ഞെടുപ്പിൽ പത്തനംതിട്ട ജില്ലയിലെ ആറന്മുള മണ്ഡലത്തിൽ നിന്ന് ഇടതുപക്ഷ ജനാധിപത്യമുന്നണി സ്ഥാനാർത്ഥിയായി സിപിഐ(എം) പാനലിൽ മത്സരിച്ചു വിജയിച്ചു.
വീണാ ജോർജ്ജ് | |
|---|---|
 | |
| കേരളത്തിൻ്റെ ആരോഗ്യ-വനിത ശിശു വികസന വകുപ്പ് | |
പദവിയിൽ | |
| ഓഫീസിൽ മേയ് 20 2021 | |
| മുൻഗാമി | കെ.കെ. ശൈലജ |
| കേരളനിയമസഭയിലെ അംഗം | |
പദവിയിൽ | |
| ഓഫീസിൽ മേയ് 21 2016 | |
| മുൻഗാമി | കെ. ശിവദാസൻ നായർ |
| മണ്ഡലം | ആറന്മുള |
| വ്യക്തിഗത വിവരങ്ങൾ | |
| ജനനം | 3 ഓഗസ്റ്റ് 1976 തിരുവനന്തപുരം |
| രാഷ്ട്രീയ കക്ഷി | സി.പി.എം. |
| പങ്കാളി | ജോർജ് ജോസഫ് |
| കുട്ടികൾ | ഒരു മകൾ ഒരു മകൻ |
| മാതാപിതാക്കൾ |
|
| വസതി | മൈലപ്പാറ |
As of സെപ്റ്റംബർ 8, 2020 ഉറവിടം: നിയമസഭ | |
ജീവിതരേഖ
1976 ആഗസ്റ്റ് 03-ന് പത്തനംതിട്ട കുമ്പഴവടക്കിലാണു വീണ ജോർജ്ജ് ജനിച്ചത്.തിരുവനന്തപുരം വിമൻസ് കോളേജിൽ നിന്ന് ഫിസിക്സിൽ ബിരുദവും, ബിരുദാനന്തര ബിരുദവും നേടി.കൈരളി ടി.വി.,മനോരമ ന്യൂസ് ചാനലുകളിൽ വാർത്ത അവതാരകയായി പ്രവർത്തിച്ചിട്ടുണ്ട്.[1]
പുരസ്കാരം
മികച്ച വാർത്താ അവതാരകയ്ക്കുള്ള ജേസി ഫൗണ്ടേഷൻ അവാർഡ്[2][പ്രവർത്തിക്കാത്ത കണ്ണി]2011-ലെ മികച്ച ടെലിവിഷൻ അവതരണത്തിനുള്ള പുരസ്കാരം[3]ഏഷ്യവിഷൻ വാർത്താ വിശകലനത്തിനുള്ള പുരസ്കാരം[4]മികച്ച വാർത്താ അവതരണത്തിനുള്ള "2010-ലെ സംസ്ഥാന ടെലിവിഷൻ അവാർഡ്[5]നീലേശ്വരം സുരേന്ദ്രൻ സ്മാരക പുരസ്‌ക്കാരം[6]ഇന്ത്യ പ്രസ് ക്ലബ് ഓഫ് നോർത്ത് അമേരിക്ക മികച്ച വാർത്താവതാരക.[7]
അവലംബം
 | ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |