ലിനസ് മാർപ്പാപ്പാ

ആദ്യത്തെ റോമൻ മാർപ്പാപ്പയായിരുന്നു ലിനസ്.^[1] പൗരസ്ത്യ ക്രിസ്തുമതം ഇദ്ദേഹത്തെ വിശുദ്ധനായി കണക്കാക്കി വണങ്ങുന്നു. സെപ്റ്റംബർ 23-നാണ് കത്തോലിക്കാസഭ ഇദ്ദേഹത്തിന്റെ തിരുനാൾ ആചരിക്കുന്നത്. പത്രോസ് ശ്ലീഹായുടെ പിൻഗാമിയാണ് ലിനസ്. അദ്ദേഹത്തിന്റെ സ്വകാര്യ, പൗരോഹിത്യജീവിതത്തെപ്പറ്റിയുള്ള വിവരങ്ങൾ അജ്ഞാതമാണ്. ഭരണകാലയളവിനെപ്പറ്റിയും ആശയക്കുഴപ്പങ്ങൾ നിലനിൽക്കുന്നുണ്ട്. ചരിത്രകാരന്മാരുടെ അഭിപ്രായത്തിൽ വിശുദ്ധ പത്രോസിന്റെ മരണ തീയതി അനുസരിച്ച് ഏകദേശം എഡി 64/67 നും 76/79 നും ഇടയിൽ അദ്ദേഹം അധികാരത്തിലുണ്ടെന്നു കരുതുന്നു.^[2][3]