യുവോൺ സിൽവെയ്ൻ
ഉപകരണങ്ങൾ
സാർവത്രികം
അച്ചടിയ്ക്കുക/കയറ്റുമതി ചെയ്യുക
ഇതരപദ്ധതികളിൽ
യുവോൺ സിൽവെയ്ൻ | |
---|---|
ജനനം | (1907-06-28)ജൂൺ 28, 1907 Port-au-Prince, Haiti |
മരണം | ഒക്ടോബർ 3, 1989(1989-10-03) (പ്രായം 82) |
ദേശീയത | Haitian |
പുരസ്കാരങ്ങൾ | Haitian Medical Association Posthumously Award |
ശാസ്ത്രീയ ജീവിതം | |
പ്രവർത്തനതലം | Obstetrics and gynaecology |
ഹെയ്തിയിൽ നിന്നുള്ള ആദ്യത്തെ വനിതാ വൈദ്യശാസ്ത്ര ഭിഷഗ്വരയായിരുന്നു യുവോൺ സിൽവെയ്ൻ (ജീവിതകാലം: ജൂൺ 28, 1907 - ഒക്ടോബർ 3, 1989)[1]. യൂണിവേഴ്സിറ്റി ഓഫ് ഹെയ്തി മെഡിക്കൽ വിദ്യാലയത്തിൽ ചേരുന്ന ആദ്യത്തെ വനിത കൂടിയായിരുന്നു അവർ. 1940-ൽ വൈദ്യശാസ്ത്ര ബിരുദം നേടിയ അവർ ബിരുദാനന്തരം, പോർട്ട്-ഓ-പ്രിൻസ് ജനറൽ ആശുപത്രിയിൽ പ്രസവചികിത്സയിലും ഗൈനക്കോളജിയിലും സ്പെഷ്യലിസ്റ്റായി ജോലി ചെയ്തു. ഹെയ്തിയിലെ ആദ്യ വനിതാ പ്രാക്ടീഷണർ എന്ന നിലയിൽ, ഹെയ്തിയൻ പൗരന്മാർക്ക്[2] മെച്ചപ്പെട്ട വൈദ്യശാസ്ത്ര പ്രവേശനവും ഉപകരണങ്ങളും നൽകുന്നതിൽ അവർ ഒരു സുപ്രധാനമായ പങ്ക് വഹിച്ചുിരുന്നു[3] അവരുടെ മറ്റ് നേട്ടങ്ങളിൽ, ഹെയ്തിയൻ സ്ത്രീകളുടെ ശാരീരികവും സാമ്പത്തികവും സാമൂഹികവും രാഷ്ട്രീയവുമായ സമത്വത്തിന് വേണ്ടി പോരാടുന്ന ശബ്ദങ്ങളിൽ ഒന്നായിരുന്നു അവർ.[4]
ഹെയ്തിയിലെ അമേരിക്കൻ അധിനിവേശത്തിനെതിരായ ചെറുത്തുനിൽപ്പിന്റെ ഒരു പ്രധാന വ്യക്തിയും ഹെയ്തിയൻ ആക്ടിവിസ്റ്റുമായ യൂജിനി മല്ലേബ്രാഞ്ചെയുടെയും ജോർജസ് സിൽവെയിന്റെയും മകളായി പോർട്ട്-ഓ-പ്രിൻസിലാണ് ഡോ. ഇവോൺ സിൽവെയ്ൻ ജനിച്ചത്. അവർക്ക് ഏഴ് കുട്ടികളുണ്ടായിരുന്നു. അവരിൽ ഒരാൾ ഹെയ്തിയിലെ ആദ്യത്തെ വനിതാ നരവംശശാസ്ത്രജ്ഞയായ സുസെയ്ൻ കോംഹെയർ-സിൽവെയ്ൻ ആയിരുന്നു.[5]
പിതാവിനാൽ വളരെയധികം സ്വാധീനിക്കപ്പെട്ട അവർ എക്കോൾ നോർമൽ ഡി ഇൻസ്റ്റിറ്റ്യൂട്ട്സിൽ വിദ്യാഭ്യാസത്തിന് ചേർന്നു. അവിടെ ബിരുദം നേടി അധ്യാപികയായി ജോലി ചെയ്യാൻ തുടങ്ങി.[6] 28-ആം വയസ്സിൽ, ഹെയ്തി സർവ്വകലാശാലയിലെ മെഡിക്കൽ വിദ്യാലയത്തിൽ ചേരുന്ന ആദ്യത്തെ വനിതയായിരുന്നു അവർ. 1940-ൽ വൈദ്യശാസ്ത്ര ബിരുദം കരസ്ഥമാക്കി.[2] തുടർന്ന് ഇന്റർ-അമേരിക്കൻ ഹെൽത്ത് ബ്യൂറോയിൽ നിന്ന് സ്കോളർഷിപ്പ് ലഭിക്കുകയും കൊളംബിയ യൂണിവേഴ്സിറ്റി മെഡിക്കൽ സ്കൂളിൽ പ്രവേശനം നേടുകയും ചെയ്തു.[1] ഇന്റേൺഷിപ്പിന് മൂന്ന് വർഷത്തിന് ശേഷം അവർ ന്യൂയോർക്ക് പോസ്റ്റ്-ഗ്രാജുവേറ്റ് മെഡിക്കൽ സ്കൂളിലും ഹോസ്പിറ്റലിലും പാൻ-അമേരിക്കൻ സാനിറ്ററി ബ്യൂറോ ഫെലോഷിപ്പിൽ ജോലി ചെയ്തു.[2]
ഹെയ്തിയൻ മെഡിക്കൽ അസോസിയേഷൻ (എഎംഎച്ച്) മരണാനന്തരം ഹെയ്തിയൻ വനിതാ ഡോക്ടർ എന്ന ബഹുമതി നൽകി ആദരിച്ചു..[7]